സംസ്ഥാനത്ത് കുതിച്ചുയർന്ന് സ്വര്‍ണവില ; ഇന്ന് ഒറ്റയടിക്ക് 400 രൂപ കൂടി
സംസ്ഥാനത്ത് സ്വര്‍ണവില കുത്തനെ വര്‍ധിച്ചു. ഇന്ന് ഒറ്റയടിക്ക് 400 രൂപയാണ് സ്വര്‍ണത്തിന് കൂടിയത്. ഇതോടെ ഒരു പവന് സ്വര്‍ണത്തിന്റെ ഇന്നത്തെ വിപണി വില 44,480 രൂപയായി. ഒരു ഗ്രാമിന് ഇന്ന് 5,560 രൂപയാണ് വില.
ഈ മാസത്തെ ഏറ്റവും ഉയര്‍ന്ന നിരക്കിലാണ് സ്വര്‍ണവില. ഇന്നലെ 80 രൂപയാണ് സ്വര്‍ണത്തിന് വില വര്‍ധിച്ചത്. അന്താരാഷ്ട്ര സ്വര്‍ണവിപണിയിലെ വ്യതിയാനങ്ങളാണ് സംസ്ഥാനത്തെ സ്വര്‍ണവിപണിയെയും ബാധിക്കുന്നത്.
സംസ്ഥാനത്ത് വെള്ളി വിലയും വര്‍ധിച്ചു. ഒരു ഗ്രാം വെള്ളിക്ക് 82 രൂപയാണ് വില. എട്ട് ഗ്രാം വെള്ളിക്ക് 656 രൂപയും ഒരു കിലോഗ്രാം വെള്ളിക്ക് 82,000 രൂപയുമാണ് വില.
