തദ്ദേശ ഉപതിരഞ്ഞെടുപ്പില്‍ എല്‍ഡിഎഫിന് നേട്ടം 17 സീറ്റ് ; യുഡിഎഫ് 12, ബിജെപി-0
തിരുവനന്തപുരം : സംസ്ഥാനത്തെ 28 തദ്ദേശ വാർഡുകളില്‍ തിങ്കളാഴ്ച നടന്ന തിരഞ്ഞെടുപ്പിന്റെ വോട്ടെണ്ണല്‍ പൂർത്തിയായപ്പോള്‍ എല്‍ഡിഎഫ് മുന്നില്‍.വയനാട് ഒഴികെയുള്ള ജില്ലകളിലെ 30 വാർഡുകളിലേക്കാണ് തിരഞ്ഞെടുപ്പ് പ്രഖ്യാപിച്ചിരുന്നത്. രണ്ട് വാർഡുകളില്‍ എല്‍.ഡി.എഫ് നേരത്തെ എതിരില്ലാതെ ജയിച്ചിരുന്നു. 28 വാർഡുകളിലാണ് തിങ്കളാഴ്ച വോട്ടെടുപ്പ് നടന്നത്. ഒരു കോർപ്പറേഷൻ വാർഡ്, രണ്ട് ബ്ലോക്ക് പഞ്ചായത്ത് വാർഡുകള്‍, മൂന്ന് മുനിസിപ്പാലിറ്റി വാർഡ്, 22 ഗ്രാമപ്പഞ്ചായത്ത് വാർഡുകള്‍ എന്നിവിടങ്ങളിലായിരുന്നു വോട്ടെടുപ്പ്.
രണ്ട് ഇടത് സ്വതന്ത്രർ അടക്കം 17 വാർഡുകളില്‍ എല്‍ഡിഎഫ് വിജയിച്ചു. 12 ഇടങ്ങളില്‍ യുഡിഎഫും ജയിച്ചു. ഒരു സീറ്റില്‍ എസ്ഡിപിഐ വിജയിച്ചപ്പോള്‍ ബിജെപിക്ക് ഒരിടത്ത്പോലും ജയിക്കാനായില്ല.
തിരുവനന്തപുരം:
തിരുവനന്തപുരം മുനിസിപ്പല്‍ കോർപ്പറേഷൻ-ശ്രീവരാഹം വാർഡ് സിപിഎം സിറ്റിങ് സീറ്റ് നിലനിർത്തി.വി.ഹരികുമാർ ബിജെപിയിലെ മിനിയെ 12 വോട്ടുകള്‍ക്കാണ് പരാജയപ്പെടുത്തിയത്.
കരുംകുളം. ഗ്രാമപ്പഞ്ചായത്ത്-കൊച്ചുപള്ളി- സിപിഎം സിറ്റിങ് സീറ്റ് യുഡിഎഫ് പിടിച്ചെടുത്തു. യുഡിഎഫ് സ്ഥാനാർഥി സേവ്യർ ജറോണ്‍ 169 വോട്ടുള്‍ക്ക് വിജയിച്ചു
പൂവച്ചല്‍ ഗ്രാമപ്പഞ്ചായത്ത്-പുളിങ്കോട്- യുഡിഎഫ് സിറ്റ് സീറ്റ് എല്‍ഡിഎഫ് പിടിച്ചെടുത്തു. സിപിഎമ്മിലെ സെയ്ദ് സബർമതി 57 വോട്ടുകള്‍ക്കാണ് വിജയിച്ചത്.
പാങ്ങോട് ഗ്രാമപ്പഞ്ചായത്ത്-പുലിപ്പാറ- യുഡിഎഫ് സിറ്റിങ് സീറ്റ് എസ്ഡിപിഐ പിടിച്ചെടുത്തു. കോണ്‍ഗ്രസ് മൂന്നാമതായി. എസ്ഡിപിഐ സ്ഥാനാർഥി മുജീബ് പുലിപ്പാറ 674 വോട്ടുകള്‍ക്ക് സിപിഎം സ്ഥാനാർഥിയെ പരാജയപ്പെടുത്തി.
കൊല്ലം:
കൊട്ടാരക്കര മുനിസിപ്പാലിറ്റി-കല്ലുവാതുക്കല്‍ ഡിവിഷൻ -സിറ്റിങ് സീറ്റ് എല്‍ഡിഎഫ് നിലനിർത്തി. സിപിഐയിലെ മഞ്ജു സാം 193 വോട്ടുകള്‍ക്ക് വിജയിച്ചു.
അഞ്ചല്‍ ബ്ലോക്ക് പഞ്ചായത്ത്-അഞ്ചല്‍ ഡിവിഷൻ-യുഡിഎഫ് സിറ്റിങ് സീറ്റ് നിലനിർത്തി. കോണ്‍ഗ്രസിലെ മുഹമ്മദ് ഷെറിൻ 877 വോട്ടുകള്‍ക്കാണ് വിജയിച്ചത്.
കൊട്ടാരക്കര ബ്ലോക്ക് പഞ്ചായത്ത്-കൊട്ടറ- എല്‍ഡിഎഫ് സിറ്റിങ് സീറ്റ് നിലനിർത്തി. സിപിഎമ്മിലെ വത്സമ്മ 900 വോട്ടുകള്‍ക്ക് വിജയിച്ചു.
കുലശേഖരപുരം ഗ്രാമപ്പഞ്ചായത്ത്-കൊച്ചുമാംമൂട്-എല്‍ഡിഎഫ് സിറ്റിങ് സീറ്റ് നിർത്തി. സിപിഎമ്മിലെ സുരജാ ശിശുപാലൻ 595 വോട്ടിനാണ് വിജയിച്ചത്.
ക്ലാപ്പന ഗ്രാമപ്പഞ്ചായത്ത്-പ്രയാർ തെക്ക് ബി- സിറ്റിങ് സീറ്റ് എല്‍ഡിഎഫ് നിലനിർത്തി. സിപിഎമ്മിലെ ജയാദേവി 277 വോട്ടുകള്‍ക്ക് വിജയിച്ചു.
ഇടമുളയ്ക്കല്‍ ഗ്രാമപ്പഞ്ചായത്ത്-പടിഞ്ഞാറ്റിൻകര- സിറ്റിങ് സീറ്റ് യുഡിഎഫ് നിലനിർത്തി. കോണ്‍ഗ്രസിലെ ഷീജ ദിലീപ് 24 വോട്ടിനാണ് വിജയിച്ചത്.
പത്തനംതിട്ട:
പത്തനംതിട്ട മുനിസിപ്പാലിറ്റി-കുമ്ബഴ നോർത്തില്‍ എല്‍ഡിഎഫ് സ്വത.സ്ഥാനാർഥി വിജയിച്ചു. എല്‍ഡിഎഫിലെ ബിജിമോള്‍ മാത്യു മൂന്ന് വോട്ടുകള്‍ക്കാണ് വിജയിച്ചത്.
അയിരൂർ ഗ്രാമപ്പഞ്ചായത്ത്-തടിയൂർ വാർഡില്‍ യുഡിഎഫ് വിജയിച്ചു. കോണ്‍ഗ്രസിലെ പ്രീത നായർ 106 വോട്ടുകള്‍ക്ക് വിജയിച്ചു.
പുറമറ്റം ഗ്രാമപ്പഞ്ചായത്ത്-ഗ്യാലക്സി നഗർ വാർഡില്‍ എല്‍ഡിഎഫ് വിജയിച്ചു. സിപിഎമ്മിലെ ശോഭിക ഗോപി 152 വോട്ടുകള്‍ക്ക് വിജയിച്ചു.
ആലപ്പുഴ:
കാവാലം ഗ്രാമപ്പഞ്ചായത്ത്-പാലോടം വാർഡില്‍ എല്‍ഡിഎഫ് സ്ഥാനാർഥി മംഗളാനന്ദൻ 171 വോട്ടുകള്‍ക്ക് വിജയിച്ചു.
മുട്ടാർ ഗ്രാമപ്പഞ്ചായത്ത്-മിത്രക്കരി ഈസ്റ്റ്- യുഡിഎഫ് സ്ഥാനാർഥി ബിൻസി 15 വോട്ടുകള്‍ക്ക് വിജയിച്ചു
കോട്ടയം:
രാമപുരം ഗ്രാമപ്പഞ്ചായത്ത്-ജി.വി. സ്കൂള്‍ വാർഡില്‍ യുഡിഎഫ് വിജയിച്ചു. കോണ്‍ഗ്രസിലെ രജിത ബിജെപിയിലെ അശ്വതിയെ 235 വോട്ടുകള്‍ക്ക് തോല്‍പ്പിച്ചു.
ഇടുക്കി:
വാത്തിക്കുടി ഗ്രാമപ്പഞ്ചായത്ത്-ദൈവംമേട് വാർഡില്‍ എല്‍ഡിഎഫിന് വിജയം. കേരള കോണ്‍ഗ്രസ് എമ്മിലെ ബിനു ഏഴ് വോട്ടിന് വിജയിച്ചു.
എറണാകുളം:
മൂവാറ്റുപുഴ മുനിസിപ്പാലിറ്റി-ഈസ്റ്റ് ഹൈസ്കൂള്‍ ഡിവിഷനില്‍ യുഡിഎഫ് വിജയിച്ചു. കോണ്‍ഗ്രസിലെ മോർക്കുട്ടി ചാക്കോ 65 വോട്ടിന് സിപിഎമ്മിലെ റീന ഷെരീഫിനെ പരാജയപ്പെടുത്തി.
അശമന്നൂർ ഗ്രാമപ്പഞ്ചായത്ത്-മതല തെക്ക് വാർഡില്‍ യുഡിഎഫ് വിജയിച്ചു. കോണ്‍ഗ്രസിലെ എൻ.എം.നൌഷാദ് 40 വോട്ടുകള്‍ക്കാണ് വിജയിച്ചത്.
പൈങ്ങോട്ടൂർ ഗ്രാമപ്പഞ്ചായത്ത്-പനങ്കര വാർഡില്‍ എല്‍ഡിഫ് സ്വതന്ത്രൻ അമല്‍രാജ് 166 വോട്ടുകള്‍ക്ക് വിജയിച്ചു.
പായിപ്ര ഗ്രാമപ്പഞ്ചായത്ത്-നിരപ്പ് വാർഡില്‍ യുഡിഎഫ് സ്ഥാനാർഥി സുജാത ജോണ്‍ 162 വോട്ടുകള്‍ക്ക് വിജയിച്ചു.
തൃശ്ശൂർ:
ചൊവ്വന്നൂർ ഗ്രാമപ്പഞ്ചായത്ത്-മാന്തോപ്പ് മാന്തോപ്പ് എല്‍.ഡി.എഫ്. നിലനിർത്തി. സി.പി.എമ്മിലെ ഷഹർബാൻ 48 വോട്ടിന്റെ ഭൂരിപക്ഷത്തിലാണ് വിജയിച്ചത്.
പാലക്കാട്:
മുണ്ടൂർ ഗ്രാമപ്പഞ്ചായത്ത്-കീഴ്പ്പാടം വാർഡ് എല്‍ഡിഎഫ് നിലനിർത്തി. സിപിഎമ്മിലെ പ്രശോഭ് 346 വോട്ടിന് വിജയിച്ചു.
മലപ്പുറം:
കരുളായി ഗ്രാമപ്പഞ്ചായത്ത്-ചക്കിട്ടാമല വാർഡ് യുഡിഎഫിന്. ലീഗിലെ വിപിൻ 397 വോട്ടുകള്‍ക്ക് വിജയിച്ചു.
തിരുനാവായ ഗ്രാമപ്പഞ്ചായത്ത്-എടക്കുളം ഈസ്റ്റ് വാർഡ് യുഡിഎഫിന്. കോണ്‍ഗ്രസിലെ അബ്ദുള്‍ ജബ്ബാർ 260 വോട്ടുകള്‍ക്ക് വിജയിച്ചു.
കോഴിക്കോട്:
പുറമേരി ഗ്രാമപ്പഞ്ചായത്ത്-കുഞ്ഞല്ലൂരില്‍ യുഡിഎഫിന് അട്ടിമറി ജയം. ഇടതിന്റെ ശക്തികേന്ദ്രത്തില്‍ യു.ഡി.എഫ്. സ്ഥാനാർഥിയായ കോണ്‍ഗ്രസിലെ പുതിയോട്ടില്‍ അജയനാണ് 20 വോട്ടിന്റെ ഭൂരിപക്ഷത്തില്‍ സി.പി.എമ്മിലെ കെ.പി.വിവേകിനെ പരാജയപ്പെടുത്തിയത്.
കണ്ണൂർ:
പന്ന്യന്നൂർ ഗ്രാമപ്പഞ്ചായത്ത്-താഴെ ചമ്ബാട് വാർഡില്‍ എല്‍ഡിഎഫ് വിജയിച്ചു. സിപിഎമ്മിലെ ശരണ്യ സുരേന്ദ്രൻ 499 വോട്ടുകള്‍ക്ക് വിജയിച്ചു.
കാസർകോട്:
മടിക്കൈ ഗ്രാമപ്പഞ്ചായത്ത്- കോളിക്കുന്ന് വാർഡില്‍ എല്‍ഡിഎഫ് എതിരില്ലാതെ തിരഞ്ഞെടുക്കപ്പെട്ടു
കോടോം ബേളൂർഗ്രാമപ്പഞ്ചായത്ത്-അയറോട്ട് വാർഡില്‍ എല്‍ഡിഎഫിലെ സൂര്യ ഗോപാലൻ 100 വോട്ടുകള്‍ക്ക് വിജയിച്ചു.
കയ്യൂർ ചീമേനി ഗ്രാമപ്പഞ്ചായത്ത്-പള്ളിപ്പാറ വാർഡില്‍ എല്‍ഡിഎഫ് എതിരില്ലാതെ തിരഞ്ഞെടുക്കപ്പെട്ടു
