സെറ്റ് പരീക്ഷ : അപേക്ഷ തിയ്യതി തീയതി നീട്ടി
ഹയർ സെക്കൻഡറി, നോണ്‍ വൊക്കേഷണല്‍ അധ്യാപക നിയമനത്തിന് ആവശ്യമായ സംസ്ഥാനതല യോഗ്യതാ നിർണയ പരീക്ഷയായ സെറ്റ് (സ്റ്റേറ്റ് എലിജിബിലിറ്റി ടെസ്റ്റ്) പരീക്ഷയ്ക്ക് അപേക്ഷിക്കാൻ വിട്ടുപോയവർക്ക് വീണ്ടും അവസരം. സെറ്റ് പരീക്ഷയുടെ ഓണ്‍ലൈൻ രജിസ്ട്രേഷൻ തീയതി ഡിസംബർ 10 വൈകിട്ട് 5 മണി വരെ നീട്ടിയിട്ടുണ്ട്.
അപേക്ഷകർക്ക്, ഓണ്‍ലൈൻ രജിസ്ട്രേഷൻ വഴി സമർപ്പിച്ച വിവരങ്ങളില്‍ എന്തെങ്കിലും മാറ്റം വരുത്തേണ്ടതുണ്ടെങ്കില്‍, അതിനായി ഡിസംബർ 11, 12, 13 തീയതികള്‍ അനുവദിച്ചിട്ടുണ്ട്.
പ്രധാന ശ്രദ്ധക്ക്
നോണ്‍ ക്രീമിലെയർ വിഭാഗത്തില്‍പ്പെടുന്നവർ, സെറ്റ് പരീക്ഷ പാസാകുന്ന പക്ഷം നോണ്‍ ക്രീമിലെയർ സർട്ടിഫിക്കറ്റിന്റെ അസല്‍ ഹാജരാക്കണം. ഈ സർട്ടിഫിക്കറ്റ് 2024 ഒക്ടോബർ 30-നും 2025 ഡിസംബർ 13-നും ഇടയില്‍ ലഭിച്ചതായിരിക്കണം എന്നും നിർദ്ദേശമുണ്ട്.
