മന്ദംകൊല്ലി ബീവറേജിലെ മോഷണം : പ്രതികൾ പിടിയിൽ

സുൽത്താൻ ബത്തേരി : മന്ദംകൊല്ലിയിലെ ബീവറേജ് ഔട്ട്ലെറ്റിൽ മോഷണം നടത്തിയ കേസിൽ പ്രതികൾ പിടിയിൽ. വാകേരി സ്വദേശി എളമ്പിലകാട്ടിൽ നിൻസൺ (26), കണിയാമ്പറ്റ സ്വദേശി വള്ളിപ്പറ്റ നഗർ വി.ആർ. നന്ദു (24), പൂതാടി ലാൽഭവൻ ടി.പി. ജിജോ (28) എന്നിവരാണ് പിടിയിലായത്. കഴിഞ്ഞ മാസം ഇരുപത്തിയഞ്ചിനാണ് മോഷണം നടന്നത്. പൂട്ടു പൊളിച്ച് അകത്തു കടന്ന മോഷ്ടാക്കൾ എണ്ണായിരത്തി അഞ്ഞൂറ് രൂപയുടെ മദ്യമാണ് കവർന്നത്.