കൽപ്പറ്റയിൽ അതിമാരക മയക്കുമരുന്നായ എം.ഡി.എം.എയുമായി യുവാവ് പിടിയില്‍
കല്‍പ്പറ്റ : അതിമാരക മയക്കുമരുന്നായ എം.ഡി.എം.എയുമായി പാലക്കാട് സ്വദേശിയായ യുവാവിനെ പിടികൂടി. മണ്ണാര്‍ക്കാട് ചോയിക്കല്‍ വീട്ടില്‍ രാഹുല്‍ ഗോപാലനെ(28) യാണ് കല്‍പ്പറ്റ പോലീസ് അറസ്റ്റ് ചെയ്തത്.
കഴിഞ്ഞ ദിവസം വൈകുന്നേരത്തോടെയാണ് കല്‍പ്പറ്റ റാട്ടക്കൊല്ലിയില്‍ വെച്ച് ഇയാള്‍ പിടിയിലാകുന്നത്. 1.540 ഗ്രാം എം.ഡി.എം.എ പിടിച്ചെടുത്തു.
എസ്.ഐ കെ.എ. അബ്ദുള്‍ കലാം, എസ്.സി.പി.ഒമാരായ നജീബ്, സുമേഷ്, സി.പി.ഒമാരായ ലിന്‍രാജ്, ശ്രീരാഗ് എന്നിവരാണ് പോലീസ് സംഘത്തിലുണ്ടായിരുന്നത്.
