സംസ്ഥാനത്ത് സ്വർണവിലയിൽ ഇടിവ് ; ഈ മാസത്തെ ഏറ്റവും കുറഞ്ഞ നിരക്കിൽ
സ്വർണം പവന് 160 രൂപ കുറഞ്ഞ് 41,440 രൂപയായി. ഇന്നലെ 41,600 രൂപയായിരുന്നു. ഗ്രാമിന് 20 രൂപ കുറഞ്ഞ് 5180 രൂപയായി. ഫെബ്രുവരിയിലെ ഏറ്റവും കുറഞ്ഞ നിരക്കിലാണ് സ്വർണം ഇപ്പോൾ. ഫെബ്രുവരി രണ്ടിന് 42,880 രൂപയായിരുന്നു വില. ഇതാണ് ഇപ്പോൾ 41,440 ലേക്ക് താഴ്ന്നിരിക്കുന്നത്. 1440 രൂപയുടെ കുറവാണ് വിലയിലുണ്ടായത്.
ഇന്ന് വെള്ളിയുടെ വില മാറ്റമില്ലാതെ തുടരുന്നു. ശനിയാഴ്ച രണ്ട് രൂപ ഉയർന്നു. ഒരു ഗ്രാം വെള്ളിയുടെ വില 73 രൂപയാണ്. ഹാൾമാർക്ക് വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് വെള്ളിയുടെ വില 90 രൂപയാണ്.
