കുതിച്ചുയര്ന്ന് സംസ്ഥാനത്തെ സ്വര്ണവില : ഇന്ന് കൂടിയത് 880 രൂപ കൂടി
സംസ്ഥാനത്ത് സ്വർണവിലയില് വലിയ വർധനവ് രേഖപ്പെടുത്തി. പവന് ഒറ്റയടിക്ക് 880 രൂപ കൂടിയതോടെ ഒരു പവൻ സ്വർണത്തിന്റെ വിപണി വില 1,14,040 രൂപയായി ഉയർന്നു. ഗ്രാമിന് 110 രൂപയുടെ വർധനവാണ് ഉണ്ടായിരിക്കുന്നത്. ഇതോടെ ഒരു ഗ്രാം സ്വർണത്തിന് 14,255 രൂപയിലെത്തി.
അന്താരാഷ്ട്ര വിപണിയിലെ മാറ്റങ്ങളും സുരക്ഷിത നിക്ഷേപമെന്ന നിലയില് സ്വർണത്തിനുള്ള ആവശ്യകത ഉയർന്നതുമാണ് വില വർധനവിന് കാരണം. രാജ്യാന്തര വിപണിയിലെ ചലനങ്ങള്ക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്.
ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവില് ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടണ് കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വർണവിലയില് പ്രതിഫലിക്കും.
