എസ്ബിഐയിൽ ക്ലര്ക്ക് റിക്രൂട്ട്മെന്റ് : 9,766 ഒഴിവുകള്, അപേക്ഷകള് ക്ഷണിച്ചു
സ്റ്റേറ്റ് ബാങ്ക് ഓഫ് ഇന്ത്യ ജൂനിയർ അസോസിയേറ്റ് (കസ്റ്റമർ സപ്പോർട്ട് & സെയില്സ്) തസ്തികകളിലേക്ക് വൻ റിക്രൂട്ട്മെന്റ് പ്രഖ്യാപിച്ചു.
വിവിധ സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി ആകെ 9,766 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ഇതില് 7,680 ഒഴിവുകള് റെഗുലർ തസ്തികകളും 2,086 എണ്ണം ബാക്ക്ലോഗ് ഒഴിവുകളുമാണ്. ഓഗസ്റ്റ് 11-ന് ഔദ്യോഗിക വിജ്ഞാപനം പുറത്തിറക്കിയ ബാങ്ക്, അന്നു മുതല് തന്നെ ഓണ്ലൈൻ അപേക്ഷാ പ്രക്രിയ ആരംഭിച്ചിട്ടുണ്ട്. യോഗ്യരായ ഉദ്യോഗാർത്ഥികള്ക്ക് ഓഗസ്റ്റ് 31 വരെ ഓണ്ലൈനായി അപേക്ഷ സമർപ്പിക്കാം.
രാജ്യത്തുടനീളം വലിയ തൊഴിലവസരമാണ് ഈ നോട്ടിഫിക്കേഷനിലൂടെ ലഭ്യമാകുന്നത്. സംസ്ഥാനങ്ങളില് മഹാരാഷ്ട്രയിലാണ് ഏറ്റവും കൂടുതല് ഒഴിവുകളുള്ളത് (1,718). തമിഴ്നാട് (1,410), ഒഡീഷ (1,100), കർണാടക (760), പശ്ചിമ ബംഗാള് (555) എന്നിങ്ങനെയാണ് മറ്റ് പ്രധാന സംസ്ഥാനങ്ങളിലെ ഒഴിവുകള്. റെഗുലർ തസ്തികകളില് 3,253 എണ്ണം ജനറല് വിഭാഗത്തിനും 1,716 എണ്ണം ഒബിസിക്കും 1,114 എണ്ണം എസ്സിക്കും 837 എണ്ണം എസ്റ്റിക്കും 760 എണ്ണം ഇഡബ്ല്യുഎസ് വിഭാഗത്തിനുമായി സംവരണം ചെയ്തിരിക്കുന്നു. ബാക്ക്ലോഗ് ഒഴിവുകളില് എസ്സി, എസ്ടി, ഒബിസി വിഭാഗങ്ങള്ക്കുള്ള സംവരണ ആനുകൂല്യങ്ങള് ലഭ്യമാണ്.
എങ്ങനെ പരിശോധിക്കാം
ഘട്ടം 1: എസ്ബിഐയുടെ ഔദ്യോഗിക വെബ്സൈറ്റ് സന്ദർശിക്കുക.
ഘട്ടം 2: ഘട്ടം : കരിയർ വിഭാഗം തുറക്കുക.
ഘട്ടം 3: SBI ക്ലർക്ക് നോട്ടിഫിക്കേഷൻ 2026 കണ്ടെത്തുക.
ഘട്ടം 4: നോട്ടിഫിക്കേഷൻ PDF-ല് ഒഴിവ് വിശദാംശങ്ങള് തുറക്കുക.
ഘട്ടം 5: സംസ്ഥാന/കേന്ദ്രഭരണ പ്രദേശങ്ങളും കാറ്റഗറി തിരിച്ചുള്ള ഒഴിവുകളും പരിശോധിക്കുക.
ഘട്ടം 6: ഭാവി റഫറൻസിനായി PDF ഡൗണ്ലോഡ് ചെയ്യുക.
