അപകടത്തിൽപ്പെട്ട കാറിൽ എംഡിഎംഎയും കഞ്ചാവും ; യുവാക്കൾ പിടിയിൽ 

വൈത്തിരി : പിണങ്ങോട് സ്വദേശികളായ പനംതറ വീട്ടിൽ പി.അബ്ദുൾ സമദ് (30), ഒട്ടുംപുരംകുന്ന് വണ്ണത്താൻ വീട്ടിൽ വി.വി സൈനുദ്ധീൻ (29) എന്നിവരെയാണ് വൈത്തിരി പോലീസ് പിടികൂടിയത്. 02.08.2026 രാത്രിയോടെ പൊഴുതന ചാത്തോത്ത് എന്ന സ്ഥലത്ത് കാർ നിയന്ത്രണം വിട്ട് വയലിലേക്ക് മറിയുകയായിരുന്നു. കാറിലകപ്പെട്ട യുവാക്കളെ വൈത്തിരി പോലീസും, നാട്ടുകാരും ചേർന്ന് രക്ഷപ്പെടുത്തി. എന്നാൽ യുവാക്കളുടെ പരിഭ്രമം കണ്ട് സംശയം തോന്നി പരിശോധിച്ചപ്പോഴാണ് ഇവർ സഞ്ചരിച്ച കെ.എൽ 17 എഫ് 8315 നമ്പർ കാറിന്റെ ഡ്രൈവർ സീറ്റിനടിയിൽ പ്ലാറ്റ്ഫോമിൽ സിപ് ലോക്ക് കവറുകളിലായി 1.07 ഗ്രാം എംഡിഎംഎ യും 0.84 ഗ്രാം കഞ്ചാവും കണ്ടെത്തിയത്.

വൈത്തിരി സ്റ്റേഷൻ സബ് ഇൻസ്‌പെക്ടർമാരായ സി.കെ ലയമോൾ, ലാൻസി ദാസ്, എസ്.സി.പി.ഓ ഷാജഹാൻ, സി.പി.ഓ ആഷിഖ് എന്നിവരടങ്ങുന്ന സംഘമാണ് പരിശോധന നടത്തിയത്.