മീഡിയ അക്കാദമി പി.ജി.ഡിപ്ലോമ : മെയ് 27 വരെ അപേക്ഷിക്കാം
കൽപ്പറ്റ : സംസ്ഥാന സര്ക്കാര് സ്ഥാപനമായ കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന ജേണലിസം ആന്റ് കമ്യൂണിക്കേഷന്, ടെലിവിഷന് ജേണലിസം, പബ്ലിക് റിലേഷന്സ് ആന്റ് അഡ്വര്ടൈസിങ്ങ് എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകള്ക്ക് ഓണ്ലൈനായി അപേക്ഷ സമര്പ്പിക്കുന്നതിനുള്ള തീയതി മെയ് 27 വരെ നീട്ടി. പൊതുപ്രവേശന പരീക്ഷ ജൂണ് 1ന് ഓണ്ലൈനായി നടക്കും.
ഏതെങ്കിലും വിഷയത്തില് ബിരുദമാണ് അടിസ്ഥാന യോഗ്യത. അവസാനവര്ഷ ബിരുദ പരീക്ഷ എഴുതുന്നവര്ക്കും പരീക്ഷയെഴുതി ഫലം കാത്തിരിക്കുന്നവര്ക്കും അപേക്ഷിക്കാം. പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് ഫീസിളവ് ഉണ്ടാകും. അഭിരുചി പരീക്ഷയുടേയും ഇന്റര്വ്യൂവിന്റെയും അടിസ്ഥാനത്തിലായിരിക്കും പ്രവേശനം. പ്രിന്റ് ജേണലിസം,നിർമ്മിത ബുദ്ധി റേഡിയോ, ഓണ്ലൈന്, സോഷ്യല് മീഡിയ, ബ്രോഡ്കാസ്റ്റ് ജേണലിസം, മൊബൈല് ജേണലിസം തുടങ്ങിയ മാധ്യമപ്രവര്ത്തനത്തിന്റെ വിവിധ മേഖലകളില് പരിശീലനം നല്കുന്ന സമഗ്രമായ പാഠ്യപദ്ധതിയാണ് ജേണലിസം ആന്റ് കമ്യൂണിക്കേഷന് കോഴ്സ്. ടെലിവിഷന് ജേണലിസം, ന്യൂസ് ആങ്കറിംഗ്, വീഡിയോ കാമറ, വീഡിയോ എഡിറ്റിങ്ങ്, ഡോകുമെന്ററി പ്രൊഡക്ഷന്, മീഡിയ കണ്വെര്ജന്സ്, മൊബൈല് ജേണലിസം, തുടങ്ങി ദൃശ്യമാധ്യമ മേഖലയില് സമഗ്രമായ പ്രായോഗിക പരിശീലനം നല്കുന്ന കോഴ്സാണ് ടെലിവിഷന് ജേണലിസം. പബ്ലിക് റിലേഷന്സ്, അഡ്വര്ടൈസിങ്ങ് മേഖലയിലെ നൂതനപ്രവണതകളില് പ്രായോഗിക പരിശീലനത്തിന് ഊന്നല് നല്കുന്നതാണ് പബ്ലിക് റിലേഷന്സ് ആന്റ് അഡ്വര്ടൈസിങ്ങ് കോഴ്സ്. ഒപ്പം, ജേണലിസം, ക്രീയേറ്റീവ് റൈറ്റിങ്, പോഡ്കാസ്റ്റിംഗ്, ഡിജിറ്റല് മാര്ക്കറ്റിങ്, ആഡ് ഫിലിം മേക്കിങ് എന്നിവയിലും സവിശേഷപരിശീലനം നല്കുന്നു.
ഇന്റേണ്ഷിപ്പും, പ്രാക്ടിക്കലും ഉള്പ്പെടെ കോഴ്സിന്റെ ദൈര്ഘ്യം ഒരുവര്ഷമാണ്. കോഴ്സ് സംബന്ധിച്ച വിശദ വിവരങ്ങള് മീഡിയ അക്കാദമിയുടെ www.kma.ac.in എന്ന വെബ്സൈറ്റില് ലഭിക്കും. അപേക്ഷകള് ഓണ്ലൈനായി വെബ്സൈറ്റിലൂടെ സമര്പ്പിക്കാം. അപേക്ഷാഫീസ് 300 രൂപ (പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് 150 രൂപ). ഇ-ട്രാന്സ്ഫര്/ ജി-പേ/ ബാങ്ക് മുഖേന ഫീസ് അടച്ച രേഖ അപേക്ഷയോടൊപ്പം അപ്ലോഡ് ചെയ്യണം. ഓണ്ലൈന് അപേക്ഷ സമര്പ്പിക്കേണ്ട അവസാന തീയതി 2026 മെയ് 27. കൂടുതല് വിവരങ്ങള് അക്കാദമി ഓഫീസില് നിന്ന് ലഭിക്കും. ഫോണ്: 0484-2422275, 8590320794 (ഡയറക്ടര്), 9400897239 (ടെലിവിഷന് ജേണലിസം കോ-ഓര്ഡിനേറ്റര്), 7356149970 (പബ്ലിക് റിലേഷന്സ് കോ-ഓര്ഡിനേറ്റര്), 9747886517 (ജേണലിസം ആന്റ് കമ്യൂണിക്കേഷന് കോ-ഓര്ഡിനേറ്റര്)
