ഓട്ടോയിൽ കടത്തുകയായിരുന്ന 8 ലിറ്റർ മദ്യവുമായി മധ്യവയസ്കൻ പിടിയിൽ
1 min read
പുൽപ്പള്ളി : സുൽത്താൻബത്തേരി എക്സൈസ് റെയിഞ്ച് പാർട്ടി പുൽപ്പള്ളി ടൗൺ ഭാഗത്ത് നടത്തിയ പരിശോധനയിൽ ഓട്ടോയിൽ കടത്തുകയായിരുന്ന 8 ലിറ്റർ മദ്യം പിടികൂടി. സംഭവമായി ബന്ധപ്പെട്ട് ഇരുളം അങ്ങാടിശ്ശേരി സ്വദേശി മുകളേൽ വീട്ടിൽ എം.റ്റി സജിമോനെ ( 56) അറസ്റ്റ് ചെയ്തു.
പ്രിവന്റീവ് ഓഫീസർ മനോജ്‌കുമാർ. പി. കെ യുടെ നേതൃത്വത്തിൽ നടന്ന പരിശോധനയിൽ പ്രിവന്റിവ് ഓഫീസർ വിനോദ് പി ആർ സിവിൽ എക്സൈസ് ഓഫീസമാരായ അമൽ തോമസ് എം. ടി, അനിൽ എ, നിക്കോളാസ് ജോസ് എന്നിവരും ഉണ്ടായിരുന്നു.
