ബാവലിയിൽ അതിമാരക മയക്കുമരുന്നായ എം.ഡി.എം.എയുമായി യുവാക്കൾ പിടിയിൽ

കാട്ടിക്കുളം : ബാവലി എക്സൈസ് ചെക്ക് പോസ്റ്റിൽ 54.39 ഗ്രാം എം.ഡി.എം.എയുമായി കണ്ണൂർ സ്വദേശികളായ രണ്ടു യുവാക്കൾ പിടിയിലായി. കണ്ണൂർ മാട്ടൂൽ സ്വദേശികളായ വാടിക്കൽ കടവ് റോഡ് എ.ആർ മൻസിൽ വീട്ടിൽ നിയാസ് ടി.വി (30), ഇട്ടപുരത്ത് വീട്ടിൽ മുഹമ്മദ് അമ്രാസ്.ഇ (24) എന്നിവരെയാണ് എക്സൈസ് സർക്കിൾ ഇൻസ്പെക്ടർ എ പ്രജിത്തിന്റെ നേതൃത്വത്തിലുള്ള എക്സൈസ് ഉദ്യോഗസ്ഥരും, ചെക്ക് പോസ്റ്റും ടീമും, എക്സൈസ് ഇന്റലിജൻസ് ടീമും ചേർന്ന് അറസ്റ്റ് ചെയ്‌തത്‌.

ബംഗളൂരിൽ നിന്ന് കാറിൽ കണ്ണൂരിലേക്ക് ചില്ലറ വിൽപ്പനയ്ക്കായി കടത്തിയ എംഡി എം എ ആണ് കണ്ടെത്തിയത്. ഒന്നാം പ്രതി നിയാസിൻ്റെ പോക്കറ്റിൽ ഒളിപ്പിച്ച നിലയിൽ 52 .34 ഗ്രാം എംഡി എംഎ യും, ഇയ്യാളുടെ ഉടമസ്ഥതയിലുള്ള KL 13 AN 3402 നമ്പറിലുള്ള സ്വിഫ്റ്റ് കാറിൻ്റെ ഹാൻഡ് റെസ്റ്റിന്റെ താഴ് ഭാഗത്ത് ഒളിപ്പിച്ച നിലയിൽ 2.05 ഗ്രാം എംഡിഎംഎ യും എക്സൈസ് പാർട്ടി കണ്ടെത്തി. കേസിൽ കൂടുതൽ പ്രതികൾ ഉണ്ടാകുമെന്നും അതിനായി കൂടുതൽ അന്വേഷണം ആരംഭിച്ചതായും എക്സൈസ് വ്യക്തമാക്കി. മാനന്തവാടി ജെഎഫ്‌സിഎം 2 കോടതിയിൽ പ്രതികളെ ഹാജരാക്കും. 20 വർഷം വരെ ശിക്ഷ ലഭിക്കാവുന്ന കുറ്റമാണിത്. പ്രതികളിൽ നിന്ന് കാറ് കൂടാതെ മൂന്ന് മൊബൈൽ ഫോണും, ഒരു ഐ പാഡും കണ്ടെത്തി.

എക്സൈസ് പാർട്ടിയിൽ പ്രിവന്റീവ് ഓഫീസർമാരായ ജോണി. കെ,അജയ്യ കുമാർ കെ. കെ, അനുപ് .ഇ,പ്രജിഷ് എ സി., സിവിൽ എക്സൈസ് ഓഫീസർമാരായ പ്രിൻസ് റ്റി.ജി, സനൂപ് കെ. എസ്, ചന്ദ്രൻ പി. കെ., ശിവൻ ഇ.വി, സിവിൽ എക്സൈസ് ഓഫീസർ ഡ്രൈവർ ഷിംജിത്ത് പി. എന്നിവർ പങ്കെടുഞ്ഞു