ചൈനയില്‍ പടര്‍ന്നുപിടിക്കുന്ന എച്ച്‌എംപിവി വൈറസ് ഇന്ത്യയിലും : രോഗം സ്ഥിരീകരിച്ചത് എട്ട് മാസം പ്രായമുള്ള കുഞ്ഞിന്
ബംഗളൂരു : ചൈനയില്‍ അതിവേഗം പടര്‍ന്നുപിടിക്കുന്ന ഹ്യൂമന്‍ മെറ്റാന്യൂമോവൈറസ് (എച്ച്‌എംപിവി) ഇന്ത്യയില്‍ സ്ഥിരീകരിച്ചു. ബംഗളൂരുവിലെ സ്വകാര്യ ആശുപത്രിയില്‍ ചികിത്സയിലുള്ള എട്ട് മാസം പ്രായമുള്ള കുഞ്ഞിനാണ് രോഗം സ്ഥിരീകരിച്ചത്.
കുട്ടിക്ക് വിദേശയാത്രാ പശ്ചാത്തലമില്ല. രോഗം എവിടെനിന്നാണ് പിടിപെട്ടതെന്ന കാര്യം പരിശോധിച്ച്‌ വരികയാണെന്ന് ആരോഗ്യവകുപ്പ് അറിയിച്ചു.
അതേസമയം ചൈനയില്‍ കണ്ടെത്തിയ അതേ വേരിയന്‍റ് തന്നെയാണോ കുട്ടിയില്‍ കണ്ടെത്തിയതെന്ന് വ്യക്തമല്ല. സ്വകാര്യ ആശുപത്രിയിലെ പരിശോധനയിലാണ് രോഗം സ്ഥിരീകരിച്ചത്. കുട്ടിയുടെ സാന്പിള്‍ ശേഖരിച്ച്‌ കൂടുതല്‍ പരിശോധന തുടരുമെന്നും കർണാടക ആരോഗ്യവകുപ്പ് അറിയിച്ചു.
