നാലാംദിനവും സ്വര്‍ണവിലയിൽ കുതിപ്പ് ; നാല് ദിവസംകൊണ്ട് കൂടിയത് 1680 രൂപ
സംസ്ഥാനത്ത് തുടർച്ചയായ നാലാംദിവസവും സ്വർണവിലയില്‍ വർധനവ്. ഇന്ന് പവന് 240 രൂപ വർധിച്ച്‌ 57,160 രൂപയായി. ഗ്രാമിന് 7145 രൂപയാണ് വില.ഇന്നലെ പവന് 56,920 രൂപയായിരുന്നു.
നവംബർ 17ന് ഈ മാസത്തെ ഏറ്റവും താഴ്ന്ന നിലയായ 55,480 രൂപയായിരുന്നു പവൻ വില. തുടർച്ചയായ നാല് ദിവസംകൊണ്ട് 1680 രൂപയാണ് വർധിച്ചത്.
ഒക്ടോബറില്‍ 59,640 വരെ ഉയർന്ന ശേഷം സ്വർണവില കുത്തനെ ഇടിഞ്ഞിരുന്നു. ഈ മാസമാദ്യം 59,080 രൂപയായിരുന്നു പവൻവില. ഏറ്റവുമുയർന്ന വിലയില്‍ നിന്ന് 2480 രൂപ കുറവിലാണ് നിലവിലെ വില.
