പ്ലസ് ടു കഴിഞ്ഞവര്ക്ക് കേരള പൊലീസില് അവസരം ; പൊലീസ് കോണ്സ്റ്റബിള് ഡ്രൈവര് തസ്തികയിലേക്ക് പി.എസ്.സി അപേക്ഷ ക്ഷണിച്ചു
പന്ത്രണ്ടാം ക്ലാസ് കഴിഞ്ഞവർക്ക് കേരള പൊലീസില് അവസരം. പൊലീസ് കോണ്സ്റ്റബിള് ഡ്രൈവർ, വനിതാ പൊലീസ് കോണ്സ്റ്റബിള് ഡ്രൈവർ എന്നീ തസ്തികകളിലേക്കുള്ള നിയമനം സംബന്ധിച്ച വിഞ്ജാപനം കേരള പി.എസ്.സി പുറത്തുവിട്ടു.
അപേക്ഷകർക്ക് അംഗീകൃത ഡ്രൈവർ ലൈസൻസ് നിർബന്ധമാണ്. ജൂലൈ 1 ആണ് അപേക്ഷ സമർപ്പിക്കേണ്ട അവസാന തീയതി.
ഹയർ സെക്കൻഡറി പ്ലസ് ടു അല്ലെങ്കില് തത്തുല്യ പരീക്ഷ പാസായിരിക്കണം എന്നതാണ് പ്രാഥമിക യോഗ്യത. ഗിയറോടുകൂടിയ മോട്ടോര് സൈക്കിള്, ലൈറ്റ് മോട്ടോര് വാഹനങ്ങള്, ഹെവി പാസഞ്ചര് വാഹനങ്ങള്, ഹെവി ഗുഡ്സ് വാഹനങ്ങള് തുടങ്ങിയവ ഓടിക്കുന്നതില് നിലവില് സാധുവായ ഡ്രൈവിംഗ് ലൈസന്സും, ഡ്രൈവേഴ്സ് ബാഡ്ജും നേടിയിരിക്കണം എന്നതാണ് അപേക്ഷയില് പറയുന്ന സാങ്കേതിക യോഗ്യത.
തെരഞ്ഞെടുപ്പുമായി ബന്ധപ്പെട്ട് കേരള പബ്ലിക് സര്വ്വീസ് കമ്മീഷന് നടത്തുന്ന പ്രായോഗിക പരീക്ഷയില് ലൈറ്റ് മോട്ടോര് വാഹനങ്ങള്/ഹെവി പാസഞ്ചര് വാഹനങ്ങള്/ഹെവി ഗുഡ്സ് വാഹനങ്ങള് എന്നിവ ഓടിക്കുന്നതിനുള്ള പ്രാഗല്ഭ്യം തെളിയിക്കേണ്ടതാണ്. 31,000 മുതല് 60,000 വരെയാണ് ശമ്പളം. 20 മുതല് 32 വയസ് വരെയാണ് വിഞ്ജാപനത്തില് പറയുന്ന പ്രായപരിധി.
