കാട്ടുപന്നി കുറുകെചാടി ബൈക്ക് യാത്രക്കാരന് പരിക്ക്

പുൽപ്പള്ളി : പുൽപ്പള്ളി-പയ്യമ്പള്ളി റോഡിൽ കാട്ടുപന്നി കുറുകെ ചാടി ബൈക്ക് യാത്രക്കാരന് പരിക്കേറ്റു. പാക്കം മാണ്ടാനത്ത് ബിനോയ് (44) ക്കാണ് പരിക്കേറ്റത്.

പാക്കത്തെ വീട്ടിൽ നിന്നും പുൽപ്പള്ളി ടൗണിലേക്ക് വരുന്നതിനിടെ ആലൂർക്കുന്നിൽ വെച്ചാണ് റോഡിന് കുറുകേ കാട്ടുപന്നി ചാടിയത്. തലയ്ക്കും നടുവിനും കാലിനും പരിക്കേറ്റ ബിനോയിയെ ആദ്യം പുൽപ്പള്ളിയിലെ ആശുപത്രിയിലെത്തിച്ച് പ്രാഥമിക ചികിത്സനൽകിയ ശേഷം വിദഗ്‌ധ ചികിത്സയ്ക്കായി ബത്തേരി ഗവ. താലൂക്ക് ആശുപത്രിയിൽ പ്രവേശിപ്പിച്ചു.