പെരിക്കല്ലൂർ കടവ് വഴി കൊട്ടതോണിയിൽ കർണാടകയിൽ നിന്നും വയനാട്ടിലേക്ക് പുകയില ഉൽപ്പന്നങ്ങളും കഞ്ചാവും കടത്തിയ യുവാക്കൾ പിടിയിൽ
1 min read
പെരിക്കല്ലൂർ കടവ് വഴി കൊട്ടതോണിയിൽ കർണാടകയിൽ നിന്നും വയനാട്ടിലേക്ക് പുകയില ഉൽപ്പന്നങ്ങളും കഞ്ചാവും കടത്തിയ യുവാക്കൾ പിടിയിൽ
പുൽപ്പള്ളി : കർണാടകയിൽ നിന്നും പെരിക്കല്ലൂർ കടവ് വഴി കൊട്ടതോണിയിൽ കേരളത്തിലേക്ക് മദ്യവും പുകയില ഉൽപ്പന്നങ്ങളും കഞ്ചാവും കടത്തുന്നു എന്ന രഹസ്യ വിവരത്തെ തുടർന്ന് എക്സൈസ് സംഘം നടത്തിയ പരിശോധനയിൽ യുവാക്കൾ പിടിയിൽ. പെരിക്കല്ലൂർ കടവ് ഭാഗത്തുനിന്നും 220 ഗ്രാം കഞ്ചാവുമായി ബൈരക്കുപ്പ എസ്.എ ഹൗസിൽ താജുദ്ദീൻ, ഡിപ്പോ കടവ് ഭാഗത്ത് നിന്നും 210 ഗ്രാം കഞ്ചാവുമായി ബൈരക്കുപ്പ ഭാഗത്തുള്ള സൽമാൻ എന്നിവരാണ് അറസ്റ്റിലായത്. ഇവരിൽനിന്നും 10 കിലോഗ്രാം പുകയില ഉൽപ്പന്നങ്ങളും പിടിച്ചെടുത്തു. ഇന്ന് രാവിലെ 7.30 ഓടെ വയനാട് എക്സൈസ് സ്ക്വാഡ് സർക്കിൾ ഇൻസ്പെക്ടർ സജിത്ത് ചന്ദ്രനും പാർട്ടിയുമാണ് പെരിക്കല്ലൂർ, മരക്കടവ് ഭാഗങ്ങളിൽ പരിശോധന നടത്തിയത്.
