സംസഥാനത്ത് ഇന്ന് 4 ഡിഗ്രി വരെ താപനില ഉയരാൻ സാധ്യത : ഉഷ്ണതംരംഗ മുന്നറിയിപ്പ് ; ജാഗ്രത !
തിരുവനന്തപുരം : സംസഥാനത്ത് വിവിധ ജില്ലകളില്‍ ഉഷ്ണതംരംഗ മുന്നറിയിപ്പ്. കാസർകോട്, കണ്ണൂർ ജില്ലകളിലെ ഒറ്റപ്പെട്ട സ്‌ഥലങ്ങളിലാണ് ഉഷ്ണതരംഗത്തിന് സാധ്യതയുള്ളത്. കേരളത്തില്‍ ഒറ്റപ്പെട്ടയിടങ്ങളില്‍ ഇന്ന് സാധാരണയേക്കാള്‍ 2 ഡിഗ്രി സെല്‍ഷ്യസ് മുതല്‍ 4 ഡിഗ്രി സെല്‍ഷ്യസ് വരെ താപനില ഉയരാൻ സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ഉയർന്ന താപനിലയും ഈർപ്പമുള്ള വായുവും കാരണം ചൂടും അസ്വസ്‌ഥതയുമുള്ള അന്തരീക്ഷ സ്ഥിതിയ്ക്ക് സാധ്യതയുണ്ട്. അതേസമയം, ചൂടിന് ആശ്വാസമായി അടുത്ത ദിവസങ്ങളില്‍ മഴയ്ക്ക് സാധ്യതയുണ്ടെന്നും കാലാവസ്‌ഥ വകുപ്പ് അറിയിക്കുന്നുണ്ട്. തിരുവനന്തപുരം, കൊല്ലം, പത്തനംതിട്ട ജില്ലകളില്‍ വെള്ളിയാഴ്ച്ചയും, ഇടുക്കി പത്തനംതിട്ട ജില്ലകളില്‍ ശനിയാഴ്ചയും മഴയ്ക്ക് സാധ്യതയുള്ളതിനാല്‍ യെലോ അലർട്ട് പ്രഖ്യാപിച്ചിട്ടുണ്ട്.
