വിൽപ്പനക്കായി സൂക്ഷിച്ച കഞ്ചാവുമായി യുവാവ് പിടിയിൽ
മാനന്തവാടി : രഹസ്യ വിവരത്തെ തുടർന്ന് മാനന്തവാടി എക്സൈസ് സർക്കിൾ ഇൻസ്പെക്ടർ എസ്.ബൈജുവും പാർട്ടിയും മാനന്തവാടി എക്സൈസ് റേഞ്ച് പാർട്ടിയും സംയുക്തമായി എള്ളുമന്ദം കൊണിയൻ മുക്ക് ഭാഗത്ത് നടത്തിയ പരിശോധനയിൽ വിൽപ്പനക്കായി കാറിൽ കടത്തിക്കൊണ്ടുവന്ന് സൂക്ഷിച്ച് വെച്ച 856 ഗ്രാം കഞ്ചാവ് കണ്ടെത്തി.
സംഭവവുമായി ബന്ധപ്പെട്ട് പുതുശ്ശേരി തെക്കേതിൽ വീട്ടിൽ വിശാഖ് ടി.എസ് (26) എന്നയാളെ അറസ്റ്റു ചെയ്തു. മയക്കുമരുന്ന് കച്ചവടത്തിന് ഉപയോഗിക്കുന്നതായി വ്യക്തമായി വിവരം ലഭിച്ചിട്ടുള്ള വാഹനത്തിന്റെ ഉടമസ്ഥനെ കുറിച്ച് അന്വേഷണം നടത്തിവരികയാണ്.
പ്രിവന്റീവ് ഓഫീസർമാരായ അരുൺപ്രസാദ്.ഇ, ദിപു.എ, സിവിൽ എക്സൈസ് ഓഫീസർമാരായ ഷാഫി.ഒ, വിജേഷ്കുമാർ പി, സജിലാഷ്.കെ, സ്റ്റാലിൻ വർഗീസ്, വനിതാ സിവിൽ എക്സൈസ് ഓഫീസർ വീണ.എം.കെ, ഡ്രൈവർ ഷിംജിത്ത്.P എന്നിവരും എക്സൈസ് സംഘത്തിൽ ഉണ്ടായിരുന്നു.
വ്യാജമദ്യം മയക്കുമരുന്ന് എന്നിവയുടെ കടത്ത്, വിൽപ്പന, ഉപയോഗം സംബന്ധിച്ച വിവരങ്ങൾ 04935 240012, 9400069667, 9400069670 എന്നീ ഫോൺ നമ്പറുകളിൽ അറിയിക്കാവുന്നതാണ്.
