ന്യൂനപക്ഷ വിദ്യാര്ത്ഥികള്ക്ക് 5 സ്കോളര്ഷിപ്പുകള്ക്ക് അപേക്ഷിക്കാം
ന്യൂനപക്ഷ മതവിഭാഗങ്ങളിലെ വിദ്യാർത്ഥികള്ക്ക് സംസ്ഥാന ന്യൂനപക്ഷക്ഷേമ വകുപ്പിൻ്റെ വിവിധ സ്കോളർഷിപ്പുകള്ക്ക് ജനുവരി 9 വരെ അപേക്ഷിക്കാം.
1. സി.എച്ച്. മുഹമ്മദ് കോയ സ്കോളർഷിപ്പ്
കേരളത്തിലെ വിവിധ സർക്കാർ/ എയ്ഡഡ് കോളേജുകളില്, ബിരുദം, ബിരുദാനന്തര ബിരുദം, പ്രൊഫഷണല് കോഴ്സുകള് എന്നിവയ്ക്ക് റഗുലറായി പഠിക്കുന്ന ന്യൂനപക്ഷ വിദ്യാർത്ഥിനികള്ക്ക് (ക്രിസ്ത്യൻ, മുസ്ലീം, സിഖ്, ബുദ്ധ, ജൈന, പാഴ്സി) 2025-26 സാമ്ബത്തിക വർഷം സി.എച്ച്.മുഹമ്മദ് കോയ സ്കോളർഷിപ്പ്/ഹോസ്റ്റല് സ്റ്റൈപന്റ് ലഭിക്കുന്നതിനുള്ള അപേക്ഷ ക്ഷണിച്ചു. ജനസംഖ്യാനുപാതികമായി നല്കുന്ന സ്കോളർഷിപ്പ്, കേരളത്തില് പഠിക്കുന്ന സ്ഥിര താമസക്കാരായ ന്യൂനപക്ഷ വിദ്യാർത്ഥിനികള്ക്കാണ് നല്കുന്നത്.മെറിറ്റ് സീറ്റില് അഡ്മിഷൻ ലഭിച്ച സ്വാശ്രയ മെഡിക്കല്/എഞ്ചിനീയറിഗ് കോളേജുകളില് പഠിക്കുന്നവർക്കും സ്കോളർഷിപ്പിന് അപേക്ഷിക്കാവുന്നതാണ്.
സ്കോളർഷിപ്പ് ആനുകൂല്യം
ബിരുദത്തിന് 5,000/- രൂപയും, ബിരുദാനന്തര ബിരുദത്തിന് 6,000/- രൂപയും, പ്രൊഫഷണല് കോഴ്സിന് 7,000/- രൂപയും, ഹോസ്റ്റല് സ്റ്റൈപ്പന്റ് ഇനത്തില് 13,000/- രൂപയുമാണ് സ്കോളർഷിപ്പ് തുകയായി അനുവദിക്കുന്നത്. വിദ്യാർത്ഥിനിക്ക് സ്കോളർഷിപ്പ് അല്ലെങ്കില് ഹോസ്റ്റല് സ്റ്റൈപന്റ് എന്നിവയില് ഏതെങ്കിലും ഒന്നിന് മാത്രമേ അപേക്ഷിക്കാനാകൂ. ആദ്യ വർഷങ്ങളില് അപേക്ഷിക്കാൻ കഴിയാതെ പോയവർക്കും ഇപ്പോള് പഠിക്കുന്ന വർഷത്തേയ്ക്ക് അപേക്ഷിക്കാം.
അപേക്ഷാ യോഗ്യത
അപേക്ഷാർത്ഥികള്, യോഗ്യതാ പരീക്ഷയില് ചുരുങ്ങിയത് 50 ശതമാനം മാർക്കെങ്കിലും നേടിയിരിക്കണം. സർക്കാർ/ സർക്കാർ അംഗീകൃത സ്ഥാപനങ്ങള്/സർവകലാശാല അംഗീകൃത ഹോസ്റ്റലുകള് എന്നിവിടങ്ങളില് താമസിച്ചു പഠിക്കുന്ന വിദ്യാർത്ഥിനികള് സ്ഥാപന മേധാവിയുടെ സർട്ടിഫിക്കേറ്റ് സഹിതം ഹോസ്റ്റല് സ്റ്റൈപ്പന്റിനായി അപേക്ഷിക്കാം. കുടുംബ വാർഷിക വരുമാനം 8 ലക്ഷം രൂപയില് കവിയരുത്. ബി..പി.എല്.കാർക്ക് സ്വാഭാവികമായും മുൻഗണന ലഭിക്കും. ബി.പി.എല്. അപേക്ഷകരുടെ അഭാവത്തില്, കുടുംബ വാർഷിക വരുമാനത്തിന്റെ അടിസ്ഥാനത്തിലായിരിക്കും സ്കോളർഷിപ്പിനായി തെരഞ്ഞെടുക്കുന്നത് അപേക്ഷകർക്ക് ഏതെങ്കിലും ഷെഡ്യൂള്ഡ് /കൊമേഴ്സ്യല് ബാങ്കില് സ്വന്തം പേരില് അക്കൗണ്ട് നിർബന്ധമായും ഉണ്ടായിരിക്കണം.
അപേക്ഷാ ക്രമം
വകുപ്പിൻ്റെ വെബ് സൈറ്റിലെ, സ്കോളർഷിപ്പ് ലിങ്ക് മുഖേന ഓണ്ലൈനായി അപേക്ഷിക്കാം. ഓണ്ലൈൻ അപേക്ഷയുടെ ഫീല്ഡുകള് പൂർണമായി പൂരിപ്പിച്ച് നിർദ്ദിഷ്ട രേഖകള് അപ്ലോഡ് ചെയ്ത് പ്രിന്റൗട്ടും അനുബന്ധ രേഖകളും നിശ്ചിത തീയതിക്കുളളില് സ്ഥാപനമേധാവിയ്ക്ക് സമർപ്പിക്കണം.അപേക്ഷ സമർപ്പണത്തിനുള്ള അവസാന തീയതി ജനുവരി 9 ആണ്.
2. ഐ.ടി.ഐ. വിദ്യാർത്ഥികള്ക്ക് ഫീസ് റീ ഇംബേഴ്സ്മെന്റ് സ്കീം
സർക്കാർ അംഗീകാരമുള്ള സ്വകാര്യ ഐ.ടി.ഐ.കളില് ഒന്ന്/രണ്ട് വർഷത്തെ കോഴ്സുകളില് പഠിക്കുന്ന ന്യൂനപക്ഷ മതവിഭാഗങ്ങളിലെ വിദ്യാർത്ഥികള്ക്ക് നല്കുന്ന, ഫീസ് റീ ഇംബേഴ്സ്മെന്റ് സ്കീമിലേയ്ക്ക്
ഇപ്പോള് അപേക്ഷിക്കാം. സംസ്ഥാന ന്യൂനപക്ഷക്ഷേമ വകുപ്പ് നല്കുന്ന സ്കീമില് കേരളത്തില് പഠിക്കുന്ന സ്ഥിര താമസക്കാരായ മുസ്ലീം, ക്രിസ്ത്യൻ, സിഖ്, ബുദ്ധ, പാഴ്സി, ജൈന മതവിഭാഗത്തില്പ്പെട്ട വിദ്യാർത്ഥികള്ക്കാണ് അപേക്ഷിക്കാനവസരം. സ്കോളർഷിപ്പ്. ജനസംഖ്യാനുപാതികമായി നല്കുന്ന സ്കോളർഷിപ്പില് ,ഒരു വർഷത്തെ/ രണ്ടു വർഷത്തെ കോഴ്സിന് പ്രതിവർഷം 10,000 രൂപയാണ് റീ ഇൻബേഴ്സ്മെൻ്റ് സംഖ്യയായി നല്കുന്നത്. ഓണ്ലൈൻ ആയാണ്, അപേക്ഷ സമർപ്പിക്കേണ്ടത്.
ആർക്കൊക്കെ അപേക്ഷിക്കാം
ഒന്നാം വർഷക്കാർക്കും രണ്ടാം വർഷക്കാർക്കും അപേക്ഷ നല്കാവുന്നതാണ്. ബി.പി.എല് വിഭാഗത്തില്പ്പെടുന്ന വിദ്യാർത്ഥികള്ക്കാണ് മുൻഗണന.ബി.പി.എല് അപേക്ഷകരുടെ അഭാവത്തില് ന്യൂനപക്ഷ മത വിഭാഗത്തിലെ 8 ലക്ഷം രൂപ വരെ വാർഷിക വരുമാനമുളള എ.പി.എല്. വിഭാഗത്തെയും പരിഗണിക്കും. ആകെയുള്ള സ്കോളർപ്പിപ്പുകളില് 10% പെണ്കുട്ടികള്ക്കായി സംവരണം ചെയ്തിട്ടുണ്ട്. നിശ്ചിത ശതമാനം പെണ്കുട്ടികള് ഇല്ലാത്തപക്ഷം അർഹരായ ആണ്കുട്ടികളേയും സ്കോളർഷിപ്പിന് പരിഗണിക്കും.
തെരഞ്ഞെടുപ്പ് രീതി
കുടുംബ വാർഷിക വരുമാനത്തിന്റെയും മാർക്കിന്റെയും അടിസ്ഥാനത്തില് ജനസംഖ്യാനുപാതികമായിട്ടാണ്,
ന്യൂനപക്ഷ വിദ്യാർത്ഥികളില് നിന്നും അർഹരായവരെ തെരഞ്ഞെടുക്കുന്നത്. അപേക്ഷകർക്ക് ഏതെങ്കിലും ഷെഡ്യൂള്ഡ് /കൊമേഴ്സ്യല് ബാങ്കില് സ്വന്തം പേരില് അക്കൗണ്ട് ഉണ്ടായിരിക്കണം. അപേക്ഷ സമർപ്പണത്തിനുള്ള അവസാന തീയതി ജനുവരി 9 ആണ്.
3.നഴ്സിംഗ് ഡിപ്ലോമ/ പാരാമെഡിക്കല് ഡിപ്ലോമ കോഴ്സുകള്ക്ക് പഠിക്കുന്ന വിദ്യാർത്ഥികള്ക്ക്
മദർ തെരേസ സ്കോളർഷിപ്പ്
സംസ്ഥാനത്തെ ഗവണ്മെന്റ് നഴ്സിംഗ് സ്കൂളുകളില് നഴ്സിംഗ് ഡിപ്ലോമ, സർക്കാർ/ എയ്ഡഡ്/സർക്കാർ അംഗീകൃത സ്വാശ്രയ സ്ഥാപനങ്ങളില് പാരാമെഡിക്കല് ഡിപ്ലോമ കോഴ്സുകള്ക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ വിദ്യാർത്ഥികള്ക്ക് സംസ്ഥാന ന്യൂനപക്ഷ ക്ഷേമ വകുപ്പ് നല്കുന്ന മദർ തെരേസ സ്കോളർഷിപ്പിന് ഇപ്പോള് അപേക്ഷിക്കാം.കേരളത്തില് പഠിക്കുന്ന സ്ഥിരതാമസക്കാരായ ക്രിസ്ത്യൻ, മുസ്ലീം, സിഖ്, ബുദ്ധ, ജൈന, പാഴ്സി എന്നീ മതവിഭാഗത്തില്പ്പെട്ട വിദ്യാർത്ഥികള്ക്ക്,ജനസംഖ്യാനുപാതികമായി, 15,000/- രൂപയാണ് സ്കോളർഷിപ്പ്.
ആർക്കൊക്കെ അപേക്ഷിക്കാം
അപേക്ഷകർ, ഗവണ്മെന്റ് നഴ്സിംഗ് സ്കൂളുകളില് നഴ്സിംഗ് ഡിപ്ലോമ (ജനറല് നേഴ്സിംഗ്), പാരാമെഡിക്കല് ഡിപ്ലോമ കോഴ്സുകളില് മെറിറ്റ് സീറ്റില് പ്രവേശനം ലഭിച്ചവരായിരിക്കണം. സ്റ്റേറ്റ് മെറിറ്റ് ക്വാട്ടയിലാണ് പ്രവേശനം നേടിയതെന്നു തെളിയിക്കുന്നതിന് അലോട്ട്മെന്റ് മെമ്മോ ഹാജരാക്കണം. കൂടാതെ യോഗ്യതാ പരീക്ഷയില് ചുരുങ്ങിയത്, 45% മാർക്ക് നേടിയിരിക്കണം. ബി.പി.എല്. വിഭാഗത്തിലെ അപേക്ഷകർക്ക് മുൻഗണനയുണ്ട്. എന്നാല് ബി.പി.എല് അപേക്ഷകരുടെ അഭാവത്തില് ന്യൂനപക്ഷ മത വിഭാഗങ്ങളിലെ 8 ലക്ഷം രൂപ വരെ വാർഷിക വരുമാനമുളള എ.പി.എല്. വിഭാഗത്തെയും പരിഗണിക്കും. വിദ്യാർത്ഥികളെ തെരഞ്ഞെടുക്കുന്നത്, കുടുംബ വാർഷിക വരുമാനത്തിന്റെയും മാർക്കിന്റെയും അടിസ്ഥാനത്തില് ജനസംഖ്യാനുപാതികമായിട്ടാണ്
ഒറ്റത്തവണ മാത്രമേ സ്കോളർഷിപ്പ് ലഭിക്കുകയുളളൂ. കഴിഞ്ഞ വർഷം സ്കോളർഷിപ്പിന് അപേക്ഷിച്ച് ലഭിച്ചവർ ഈ വർഷം അപേക്ഷിക്കേണ്ടതില്ല.ഒന്നാം വർഷം/രണ്ടാം വർഷം/മൂന്നാം വർഷം പഠിക്കുന്നവർക്കും സ്കോളർഷിപ്പിനായി അപേക്ഷിക്കാം. ആകെയുള്ള
സ്കോളർഷിപ്പുകളില്, 50% സ്കോളർഷിപ്പുകള് പെണ്കുട്ടികള്ക്ക് മാത്രമായി സംവരണം ചെയ്തിട്ടുണ്ട്. എന്നാല് നിശ്ചിത ശതമാനം പെണ്കുട്ടികള് ഇല്ലാത്തപക്ഷം അർഹരായ ആണ്കുട്ടികള്ക്കും സ്കോളർഷിപ്പ് നല്കും. അപേക്ഷകർക്ക് ഏതെങ്കിലും ഷെഡ്യൂള്ഡ് / കൊമേർഷ്യല് ബാങ്കില് സ്വന്തം പേരില് അക്കൗണ്ട് ഉണ്ടായിരിക്കണം.
അപേക്ഷാ ക്രമം
ഓണ്ലൈൻ ആയാണ്, അപേക്ഷ സമർപ്പിക്കേണ്ടത്. അപേക്ഷ പൂർണമായി പൂരിപ്പിച്ച്, നിർദ്ദിഷ്ട രേഖകള് അപ്ലോഡ് ചെയ്ത്, പ്രിന്റൗട്ടും അനുബന്ധ രേഖകളും നിശ്ചിത തീയതിക്കുളളില് സ്ഥാപനമേധാവിയ്ക്ക് സമർപ്പിക്കണം. അപേക്ഷ സമർപ്പണത്തിനുള്ള അവസാന തീയതി ജനുവരി 9 ആണ്.
4.പോളിടെക്നിക്കുകളില് മൂന്നു വർഷ ഡിപ്ലോമ കോഴ്സുകള്ക്ക് പഠിക്കുന്ന ന്യൂനപക്ഷ വിദ്യാർത്ഥിനികള്ക്ക് എ.പി.ജെ. അബ്ദുല് കലാം സ്കോളർഷിപ്പ്
സർക്കാർ/എയ്ഡഡ്/സർക്കാർ അംഗീകൃത സ്വാശ്രയ പോളിടെക്നിക്കുകളില് മൂന്നു വർഷത്തെ ഡിപ്ലോമ കോഴ്സുകള്ക്ക് പഠിക്കുന്ന ന്യൂനപക്ഷ വിദ്യാർത്ഥിനികള്ക്ക് (ക്രിസ്ത്യൻ,മുസ്ലീം, സിഖ്, ബുദ്ധ, ജൈന, പാഴ്സി) നല്കുന്ന എ.പി.ജെ.അബ്ദുല് കലാം സ്കോളർഷിപ്പിന് ഇപ്പോള് അപേക്ഷിക്കാം.
അപേക്ഷയോഗ്യത
കേരളത്തില് പഠിക്കുന്ന സ്ഥിര താമസക്കാരായ ന്യൂനപക്ഷ മതവിഭാഗത്തില്പ്പെട്ട വിദ്യാർത്ഥിനികള്ക്കാണ് സ്കോളർഷിപ്പ് നല്കുന്നത്. 6,000 രൂപയാണ് സ്കോളർഷിപ്പ് തുകയായി അനുവദിക്കുന്നത്. സർക്കാർ അംഗീകൃത സ്വാശ്രയ പോളിടെക്നിക്കുകളില് മെറിറ്റ് സീറ്റില് അഡ്മിഷൻ നേടിയ വിദ്യാർത്ഥികള്ക്ക് അപേക്ഷിക്കാം. പരമാവധി കുടുബവാർഷിക വരുമാനം 8 ലക്ഷം രൂപയായിരിക്കണം.ബി.പി.എല് വിഭാഗത്തില്പ്പെട്ടവർക്ക് മുൻഗണന നല്കും. ബി.പി.എല് അപേക്ഷകരുടെ അഭാവത്തില് ന്യൂനപക്ഷ മത വിഭാഗത്തിലെ 8 ലക്ഷം രൂപ വരെ വാർഷിക വരുമാനമുളള എ.പി.എല് വിഭാഗത്തെയും പരിഗണിക്കും.
ഒറ്റത്തവണ സ്കോളർഷിപ്പ് ആയതിനാല്, മുൻപ് അപേക്ഷിക്കാത്ത രണ്ടാം വർഷക്കാരേയും മൂന്നാം വർഷക്കാരേയും സ്കോളർഷിപ്പിനായി പരിഗണിക്കുന്നതാണ്. കഴിഞ്ഞ വർഷം സ്കോളർഷിപ്പിന് അപേക്ഷിച്ച്, ആനുകൂല്യം ലഭിച്ചവർ ഈ വർഷം അപേക്ഷിക്കേണ്ടതില്ല. ആകെ സ്കോളഷിപ്പുകളില് 30% പെണ്കുട്ടികള്ക്കായി സംവരണം ചെയ്തിട്ടുണ്ട്. നിശ്ചിത ശതമാനം പെണ്കുട്ടികള് ഇല്ലാത്തപക്ഷം അർഹരായ ആണ്കുട്ടികളേയും സ്കോളർഷിപ്പിന് പരിഗണിക്കും.
അപേക്ഷ ക്രമം
വെബ് സൈറ്റിലുള്ള ഓണ്ലൈൻ അപേക്ഷയുടെ ഫീല്ഡുകള് പൂർണമായി പൂരിപ്പിച്ച് നിർദ്ദിഷ്ട രേഖകള് അപ്ലോഡ് ചെയ്ത് പ്രിന്റൗട്ടും അനുബന്ധ രേഖകളും നിശ്ചിത തീയതിക്കുളളില് സ്ഥാപനമേധാവിയ്ക്ക് സമർപ്പിക്കണം.
തെരഞ്ഞെടുപ്പ് രീതി
ന്യൂനപക്ഷ വിദ്യാർത്ഥികളെ തെരഞ്ഞെടുക്കുന്നത് കുടുംബ വാർഷിക വരുമാനത്തിന്റെയും മാർക്കിന്റെയും അടിസ്ഥാനത്തില് ജനസംഖ്യാനുപാതികമായിട്ടാണ്. അപേക്ഷകർക്ക് ഏതെങ്കിലും ഷെഡ്യൂള്ഡ് / കൊമേഴ്സ്യല് ബാങ്കില് സ്വന്തം പേരില് അക്കൗണ്ട് ഉണ്ടായിരിക്കണം.അപേക്ഷ സമർപ്പണത്തിനുള്ള അവസാന തീയതി ജനുവരി 9 ആണ്.
5.എസ്.എസ്.എല്.സി/ടി.എച്ച്.എസ്.എല്.സി, പ്ലസ് ടൂ/വി.എച്ച്.എസ്.ഇ പരീക്ഷകളില് എല്ലാ വിഷയങ്ങള്ക്കും എ പ്ലസ് നേടുന്നവർക്കും/ ബിരുദ തലത്തില് 80% മാർക്കോ/ബിരുദാനന്തര ബിരുദ തലത്തില് 75 ശതമാനം മാർക്കോ നേടിയവർക്കുമുള്ള പ്രഫ. ജോസഫ് മുണ്ടശ്ശേരി സ്കോളർഷിപ്പ്
കഴിഞ്ഞ അദ്ധ്യയന വർഷത്തില് സർക്കാർ/സർക്കാർ എയ്ഡഡ് വിദ്യാഭ്യാസ സ്ഥാപനങ്ങളില് എസ്.എസ്.എല്.സി/ടി.എച്ച്.എസ്.എല്.സി, പ്ലസ് ടൂ/വി.എച്ച്.എസ്.ഇ പരീക്ഷകളില് എല്ലാ വിഷയങ്ങള്ക്കും എ പ്ലസ് നേടുന്നവർക്കും/ ബിരുദ തലത്തില് 80% മാർക്കോ/ബിരുദാനന്തര ബിരുദ തലത്തില് 75 ശതമാനം മാർക്കോ നേടുന്ന ന്യൂനപക്ഷ മത വിഭാഗത്തില്പ്പെട്ട വിദ്യാർത്ഥികള്ക്കും സംസ്ഥാന ന്യൂനപക്ഷക്ഷേമ വകുപ്പ് നല്കുന്ന, പ്രഫ. ജോസഫ് മുണ്ടശ്ശേരി സ്കോളർഷിപ്പ് അവാർഡ് ന് ഇപ്പോള് അപേക്ഷിക്കാം. കേരളത്തില് പഠിക്കുന്ന സ്ഥിരതാമസക്കാരായ ക്രിസ്ത്യ ൻ, മുസ്ലീം, സിഖ്, ബുദ്ധ, ജൈന, പാഴ്സി എന്നീ മതവിഭാഗത്തില്പ്പെട്ട വിദ്യാർത്ഥികള്ക്ക് ജനസംഖ്യാനുപാതികമായാണ്, സ്കോളർഷിപ്പ് നല്കുന്നത്. കഴിഞ്ഞ അദ്ധ്യയന വർഷത്തില് എസ്.എസ്.എല്.സി/ടി.എച്ച്.എസ്.എല്.സി, പ്ലസ്ടൂ/വി.എച്ച്.എസ്.ഇ തലങ്ങളില് എല്ലാ വിഷയങ്ങള്ക്കും എ പ്ലസ് നേടിയവർക്ക് 10,000/- രൂപയും ബിരുദ തലത്തില് 80 ശതമാനം മാർക്കോ/ബിരുദാനന്തര ബിരുദ തലത്തില് 75 ശതമാനം മാർക്കോ നേടുന്ന വിദ്യാർത്ഥികള്ക്ക് 15,000/- രൂപയുമാണ് സ്കോളർഷിപ്പ് തുകയായി അനുവദിക്കുന്നത്.
അപേക്ഷകരുടെ, പരമാവധി കുടുബവാർഷിക വരുമാനം 8 ലക്ഷം രൂപയായിരിക്കണം.ബി.പി.എല് വിഭാഗത്തില്പ്പെട്ടവർക്ക് സ്വാഭാവികമായും മുൻഗണന ലഭിക്കും. എന്നാല് ബി.പി.എല് അപേക്ഷകരുടെ അഭാവത്തില് ന്യൂനപക്ഷ മത വിഭാഗത്തിലെ 8 ലക്ഷം രൂപ വരെ വാർഷിക വരുമാനമുളള എ.പി.എല്. വിഭാഗത്തെയും പരിഗണിക്കും.കുടുംബ വാർഷിക വരുമാനത്തിന്റെയും മാർക്കിന്റെയും അടിസ്ഥാനത്തില് ജനസംഖ്യാനുപാതികമായിട്ടാണ്, തെ
രഞ്ഞെടുപ്പ്.
അപേക്ഷാ ക്രമം
വെബ്സൈറ്റിലെ സ്കോളർഷിപ്പ് മെന്യൂ ലിങ്ക് മുഖേന ഓണ്ലൈനായാണ്, അപേക്ഷ സമർപ്പിക്കേണ്ടത്. ഓണ്ലൈൻ അപേക്ഷയുടെ ഫീല്ഡുകള് പൂർണമായി പൂരിപ്പിച്ച് നിർദ്ദിഷ്ട രേഖകള് അപ്ലോഡ് ചെയ്ത് പ്രിന്റൗട്ടും അനുബന്ധ രേഖകളും നിശ്ചിത തീയതിക്കുളളില് വിദ്യാർത്ഥി മുൻപ് പഠിച്ചിരുന്ന സ്ഥാപന മേധാവിയ്ക്ക് സമർപ്പിക്കണം.
അപേക്ഷാ സമർപ്പണത്തിനും കൂടുതല് വിവരങ്ങള്ക്കും
www.mwdscholarship.kerala.gov.in
ഫോണ്
0471 2300523
0471 2300524
0471-2302090
