പ്രധാനമന്ത്രിയുടെ സന്ദർശനം : ഡോ. മൂപ്പൻസ് മെഡിക്കൽ കോളേജിൽ നാളെ ഒ.പി നിയന്ത്രണം

മേപ്പാടി : പ്രധാനമന്ത്രി നരേന്ദ്രമോദിയുടെ സന്ദർശനം പ്രമാണിച്ച് നാളെ ( ഓഗസ്റ്റ് 10) ന് ഡോ. മൂപ്പൻസ് മെഡിക്കൽ കോളേജിലെ ഒ.പി സേവനങ്ങൾ ഇനി പറയും വിധം ക്രമീകരിച്ചിരിക്കുന്നു.

ഒപികൾ രാവിലെ 8.30 മുതൽ 11മണി വരെ മാത്രമായിരിക്കും. നാളെ പുനഃസന്ദർശനം നിർദേശിക്കപ്പെട്ടവരോ അഡ്മിറ്റാകാൻ നിർദേശിക്കപ്പെട്ടവരോ രാവിലെ 10 മണിക്ക് മുൻപേ എത്തിയിരിക്കണം. സന്ദർശകരെ കർശനമായി നിയന്ത്രിചിരിക്കുന്നു. ഒപ്പം കൂട്ടിരിപ്പുകാരായി വാർഡുകളിലും പ്രൈവറ്റ് റൂമുകളിലും നിൽക്കുന്നവർ ബൈസ്റ്റാൻഡേർഡ്സ് പാസ്സ് നിർബന്ധമായും കയ്യിൽ കരുതണം.

അത്യാഹിത സന്ദർഭങ്ങളിൽ 24 മണിക്കൂറും പ്രവർത്തിക്കുന്ന എമർജൻസി വിഭാഗത്തിൽ കാണിക്കാവുന്നതാണ്. ഒപി സേവനങ്ങളുടെ കൂടുതൽ വിവരങ്ങൾക്ക് 8111881175 എന്ന നമ്പറിലും അത്യാഹിതവിഭാഗം അന്വേഷണങ്ങൾക്ക് 8111881234 എന്ന നമ്പറിലും ബന്ധപ്പെടാവുന്നതാണ്.

പ്രധാനമന്ത്രിയുടെ സന്ദർശനം കഴിഞ്ഞാൽ ആശുപത്രി സാധാരണ നിലയിൽ പ്രവർത്തിക്കുമെന്നും അധികൃതർ അറിയിച്ചു.