നെല്ലിയമ്പത്തെ കടകളിൽ മോഷണം : പണവും, മൊബൈലും, സാധനങ്ങളും മോഷ്ടിച്ചു

പനമരം : നെല്ലിയമ്പത്തെ കടകളിൽ മോഷണം. പണവും സാധനങ്ങളും മോഷ്ടിച്ചു. ഇന്ന് പുലർച്ചെയാണ് സംഭവം. നെല്ലിയമ്പത്തെ ചോലയിൽ സിദ്ദീഖിന്റെ പലചരക്ക് കട കുത്തി തുറന്ന് 10000 രൂപയും, മൊബൈലും, മറ്റ് സാധനങ്ങളും മോഷ്ടിച്ചു. സമീപത്തെ റസിയ യൂസഫ്

എന്നയാളുടെ കടയിലും മോഷണം നടന്നിട്ടുണ്ട്. മൊബൈലും പണവും കവർന്നു. പനമരം പോലീസ് സ്ഥലത്തെത്തി പരിശോധിച്ചു.

കഴിഞ്ഞ കുറച്ച് ദിവസങ്ങളായി നെല്ലിയമ്പം കാവടം, താഴെ നെല്ലിയമ്പം, ചോയികൊല്ലി എന്നിവിടങ്ങളിൽ മോഷ്ടാക്കളുടെ ശല്യം രൂക്ഷമാണ്. പ്രതികളെ പിടികൂടണമെന്നാവശ്യപ്പെട്ട് കടയുടമകൾ പനമരം പൊലീസ് സ്റ്റേഷനിൽ പരാതി നൽകി. രാത്രികാലങ്ങളിൽ പെട്രോളിംഗ് ശക്തമാക്കണമെന്നാണ് നാട്ടുകാരുടെ ആവശ്യം