ഒണ്ടയങ്ങാടിയിൽ കാര്‍ മരത്തിലിടിച്ച് അഞ്ചുപേര്‍ക്ക് പരിക്ക്

മാനന്തവാടി : ഒണ്ടയങ്ങാടിയിൽ കാര്‍ മരത്തിലിടിച്ച് അഞ്ചുപേര്‍ക്ക് പരിക്ക്. കോഴിക്കോട് കണ്ണൂക്കര ചാലില്‍ വീട്ടിൽ ഗ്രീഷ്മ (43), മേമുണ്ട കുനിയില്‍ താഴേക്കുനി വീട്ടില്‍ ബാലന്‍ (60), കാര്‍ത്തികപ്പള്ളി നെല്ലിയാട്ട് താഴെക്കുനി വീട്ടില്‍ ഷൈമ (53), മടമ്പറത്ത് താഴേക്കുനി സജീവന്‍ (50), പുതുപ്പണം കുഞ്ഞിപ്പറമ്പത്ത് സജില (55) എന്നിവര്‍ക്കാണ് പരിക്കേറ്റത്.

ഇന്ന് ഉച്ചയ്ക്ക് 2.30 ഓടെ ഒണ്ടയങ്ങാടി 52 ലായിരുന്നു അപകടം. കാട്ടിക്കുളം ഭാഗത്ത് നിന്ന് മാനന്തവാടി ഭാഗത്തേക്ക് വരികയായിരുന്ന കാര്‍ നിയന്ത്രണം വിട്ട് മരത്തിലിടിക്കുകയായിരുന്നു. കാറിലുണ്ടായിരുന്ന എല്ലാവരും വയനാട് ഗവ. മെഡിക്കല്‍ കോളേജ് ആശുപത്രിയില്‍ പ്രാഥമിക ചികിത്സ തേടി.