മൂന്ന് ദിവസമായി മാറ്റമില്ലാതെ സംസ്ഥാനത്തെ സ്വർണവില
1 min read
സംസ്ഥാനത്ത് മൂന്ന് ദിവസങ്ങളായി ഒരേ നിരക്കിൽ സ്വർണ വില. പവന് 45,040 രൂപയാണ് വില. ഗ്രാമിന് 5630 രൂപയും. രാജ്യാന്തര വിപണിയിൽ ട്രോയ് ഔൺസിന് 1975 രൂപയിലേക്ക് വില ഇടിഞ്ഞു. ഈ മാസം 45,760 രൂപ വരെ വില ഇടിഞ്ഞ ശേഷമാണ് സ്വർണ വില കുറഞ്ഞത്.
മെയ് ഒന്ന്, രണ്ട് തിയതികളിൽ പവന് 44,560 രൂപയായിരുന്നു സ്വർണ വില. മെയിലെ ഏറ്റവും കുറഞ്ഞ നിരക്കായിരുന്നു ഇത്. എന്നാൽ മെയ് അഞ്ചിന് ഒരു പവൻ സ്വർണത്തിന് 45,760 രൂപയായിരുന്നു സ്വർണ വില. സംസ്ഥാനത്തെ തന്നെ ഏറ്റവും ഉയർന്ന നിരക്കായിരുന്നു ഇത്. പിന്നീട് വില ഇടിഞ്ഞു.
ഇപ്പോൾ കൂടിയും കുറഞ്ഞും സ്വർണ വില ചാഞ്ചാടുകയാണ്. ഏപ്രിൽ 14ന് പവന് 45,320 രൂപയായി വില ഉയർന്നിരുന്നു. ഗ്രാമിന് 5665 രൂപയായിരുന്നു വില. ഏപ്രിലിലെ ഏറ്റവും ഉയർന്ന വിലയായിരുന്നു ഇത്. ഏപ്രിലിൽ കൂടിയും കുറഞ്ഞുമായിരുന്നു സ്വർണ വില. ഏപ്രിൽ മൂന്നിനായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്കിൽ വില എത്തിയത്. പവന് 43,760 രൂപയായിരുന്നു വില. മാർച്ച് 18,19 തിയതികളിൽ ഒരു പവൻ സ്വർണത്തിന് 44,240 രൂപയായിരുന്നു വില. മാർച്ചിലെ ഏറ്റവും ഉയർന്ന നിരക്കായിരുന്നു ഇത്. മാർച്ചിലെ ഏറ്റവും കുറഞ്ഞ നിരക്ക് പവന് 40,720 രൂപയാണ്.
പ്രതിസന്ധി ഘട്ടത്തിൽ സുരക്ഷിത നിക്ഷേപം എന്ന നിലയിൽ നിക്ഷേപകർ സ്വർണത്തിലേക്ക് തിരിഞ്ഞതാണ് കഴിഞ്ഞ ആഴ്ചകളിൽ വില ഉയർത്തിയത് . താൽക്കാലികമായി വില ഇടിഞ്ഞാലും സ്വർണ വില ഈ വർഷം റെക്കോർഡുകൾ ഭേദിക്കുമെന്ന് നേരത്തെ നിരീക്ഷകർ ചൂണ്ടിക്കാട്ടിയിരുന്നു. ഏപ്രിലിൽ സ്വർണ വിലയിൽ പവന് 680 രൂപയുടെ വർധനയാണ് ഉണ്ടായതെങ്കിൽ മാർച്ചിൽ 2,720 രൂപ വർധിച്ചിരുന്നു.
അതേസമയം വെള്ളി വിലയിൽ ഇന്ന് കുറവ് രേഖപ്പെടുത്തി. ഒരു ഗ്രാം വെള്ളിക്ക് 78.60രൂപയാണ് ഇന്നത്തെ വില. എട്ട് ഗ്രാം വെള്ളിക്ക് 628 രൂപയും 10 ഗ്രാമിന് 786 രൂപയുമാണ് വില. ഒരു കിലോഗ്രാം വെള്ളിക്ക് 78,600 രൂപയാണ് വില.