ബാവലിയിൽ ഒന്നരക്കിലോ കഞ്ചാവുമായി നാല് പേര്‍ അറസ്റ്റില്‍
കാട്ടിക്കുളം : കഞ്ചാവ് കടത്തുന്നുണ്ട് എന്ന രഹസ്യവിവരത്തിന്റെ അടിസ്ഥാനത്തില്‍ മാനന്തവാടി എക്‌സൈസ് സര്‍ക്കിള്‍ ഇന്‍സ്പെക്ടര്‍ സജിത് ചന്ദ്രനും സംഘവും ബാവലി ഭാഗത്ത് നടത്തിയ മിന്നല്‍ പരിശോധനയില്‍ 4 വ്യത്യസ്ത കേസുകളിലായി 1.5 കിലോ കഞ്ചാവും, നാല് പ്രതികളേയും ഒരു മാരുതി കാറും കസ്റ്റഡിയിലെടുത്തു.
30 ഗ്രാം കഞ്ചാവ് കടത്താന്‍ ശ്രമിച്ചതിന് കണിയാമ്പറ്റ കാരിക്കുടിയന്‍ വീട്ടില്‍ ഷൈജല്‍ കെ.എസ്, 100 ഗ്രാം കഞ്ചാവുമായി കോഴിക്കോട് പേരടി ഇല്ലത്ത് വീട്ടില്‍ സാദിക്ക്.പി, 400 ഗ്രാം കഞ്ചാവവുമായി കാസര്‍ഗോഡ് വിവേകാനന്ദ നഗര്‍ ലക്ഷം വീട് കോളനിയിലെ ബിജു, മാരുതി കാറില്‍ കടത്തിയ 800 ഗ്രാം കഞ്ചാവുമായി പൊഴുതന അച്ചു നിവാസില്‍ അക്ഷയ് എന്നിവരെയാണ് അറസ്റ്റ് ചെയ്തത്.
സിവില്‍ എക്‌സ്സൈസ് ഓഫീസര്‍മാരായ അനൂപ്, പ്രിന്‍സ്, ജോബിഷ്, നിക്കോളാസ് ജോസ് എന്നിവര്‍രിശോധനയില്‍ പങ്കെടുത്തു. കഞ്ചാവ് കൊടുക്കുന്നവരെ പറ്റി അന്വേഷണം ഊര്‍ജിതമാക്കി.
