നാലര ടണ്ണോളം പുകയില ഉൽപന്നങ്ങളുമായി പിടിയിൽ
ബത്തേരി : മുത്തങ്ങ എക്സൈസ് ചെക്പോസ്റ്റിൽ നടത്തിയ വാഹന പരിശോധനയിൽ ലോറിയിൽ കടത്തുകയായിരുന്ന നാലര ടണ്ണോളം പുകയില ഉൽപന്നങ്ങൾ പിടികൂടി. സംഭവവുമായി ബന്ധപ്പെട്ട് പാലക്കാട് പൊൽപുള്ളി സ്വദേശി പിലാപ്പുള്ളി വീട്ടിൽ വി. രമേശിനെ (47) അറസ്റ്റ് ചെയ്തു. എക്സൈസ് ഇൻസ്പെക്ടർ സൻഫീർ മുഹമ്മദിന്റെ നേതൃത്വത്തിൽ നടത്തിയ പരിശോധനയിൽ പ്രിവന്റീവ് ഓഫിസർമാരായ പ്രജീഷ് എ.സി, ബിനുമോൻ.എ.എം , സിവിൽ എക്സൈസ് ഓഫിസർ ജിതിൻ പി പി എന്നിവരും പരിശോധന സംഘത്തിൽ ഉണ്ടായിരുന്നു. പുകയില ഉൽപന്നങ്ങൾ കടത്താൻ ഉപയോഗിച്ച് വാഹനവും കസ്റ്റഡിയിൽ എടുത്തു.
