സ്വര്‍ണവിലയില്‍ ഇന്നും വര്‍ധന; വീണ്ടും റെക്കോഡ് തിരുത്തി മഞ്ഞലോഹം
സ്വർണവിലയില്‍ ഇന്നും വീണ്ടും വർധന. കേരളത്തില്‍ രണ്ട് നിരക്കിലായിരുന്ന ഇരുവിഭാഗം സ്വർണവ്യാപാര സംഘടനകളും ഇന്നത്തെ വില വർധനവോടെ ഒരേ നിരക്കിലെത്തി.
ബി.ഗോവിന്ദനും ജസ്റ്റിൻ പാലത്രയും നേതൃത്വം നല്‍കുന്ന എ.കെ.ജി.എസ്.എം.എ ഗ്രാമിന് 30 രൂപയും പവന് 240 രൂപയുമാണ് വർധിപ്പിച്ചത്. കെ.സുരേന്ദ്രൻ, അഡ്വ.എസ്.അബ്ദുല്‍ന്നാസർ എന്നിവർ നേതൃത്വം നല്‍കുന്ന വിഭാഗം ഗ്രാമിന് 105 രൂപയും പവന് 840 രൂപയും വർധിപ്പിച്ചു.
ഇതോടെ ഇരുവിഭാഗം ജ്വല്ലറികളിലും ഒരു ഗ്രാം സ്വർണത്തിന്റെ വില 11,495 രൂപയായും പവന് 91,960 രൂപയായും വർധിച്ചു. യു.എസും ചൈനക്കുമിടയില്‍ നിലനില്‍ക്കുന്ന വ്യാപാര യുദ്ധം തന്നെയാണ് സ്വർണവില ഉയരാനുള്ള പ്രധാനകാരണങ്ങളിലൊന്ന്.
സ്പോട്ട് ഗോള്‍ഡ് വിലയില്‍ 0.6 ശതമാനത്തിന്റെ വർധവാണ് ഉണ്ടായത്. 4,034.14 ഡോളറായാണ് സ്വർണവില ഉയർന്നത്. റെക്കോഡിലെത്തിയതിന് പിന്നാലെ ഇന്ന് ആഗോളവിപണിയില്‍ സ്വർണത്തില്‍ നേരിയ ഇടിവ് രേഖപ്പെടുത്തിയിരുന്നു.
