തുടര്‍ച്ചയായ രണ്ടാം ദിനവും സ്വര്‍ണവിലയില്‍ ഇടിവ് : ഇന്ന് കുറഞ്ഞത് 480 രൂപ
സംസ്ഥാനത്ത് ഒക്ടോബർ ഒന്നിന് ചരിത്രത്തിലെ ഏറ്റവും ഉയർന്ന നിരക്കായ 87,440 രൂപയിലേക്ക് ഉയർന്നതില്‍പിന്നെ സ്വർണവിലയില്‍ തുടർച്ചയായ രണ്ടാം ദിനവും ഇടിവ് രേഖപ്പെടുത്തി. ഒരു പവൻ സ്വർണത്തിന് 480 രൂപയുടെ ഇടിവാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 86,560 രൂപയിലേക്ക് താഴ്ന്നു. ഇന്നലെ ഒരു പവൻ സ്വർണത്തിന്റെ വിലയില്‍ 400 രൂപയുടെ കുറവ് സംഭവിച്ചിരുന്നു. രണ്ട് ദിനം കൊണ്ട് 880 രൂപയുടെ കുറവാണ് ഒരു പവൻ സ്വർണത്തിന്റെ വിലയില്‍ സംഭവിച്ചിട്ടുള്ളത്.
നേരത്തെ, ഒക്ടോബർ ഒന്നിന് രാവിലെ 880 രൂപയുടെ വർധനയോടെ ചരിത്രത്തിലാദ്യമായി 87,000 രൂപയിലേക്ക് ഉയർന്ന സ്വർണവില, ഉച്ചയ്ക്ക് ശേഷം 440 രൂപയുടെ വർധനവോടെ 87,440 രൂപയിലേക്കും ഉയർന്നിരുന്നു. ഒക്ടോബർ ഒന്നിന് മാത്രം 1,320 രൂപയുടെ വർധന ഒരു പവൻ സ്വർണത്തിന്റെ വിലയില്‍ സംഭവിച്ചിരുന്നു.
ഒരു ഗ്രാം സ്വർണത്തിന്റെ വില ഇന്ന് 60 രൂപ കുറഞ്ഞ് 10,820 രൂപയിലേക്ക് താഴ്ന്നു.
