കടയില്കയറി ആക്രമണം നടത്തിയ രണ്ടുപേര് പിടിയില്

മാനന്തവാടി : സാധനം കടം കൊടുത്തതിന്റെ പണം ചോദിച്ചതിലുള്ള വിരോധത്തില് കടയില് കയറി ആക്രമണം നടത്തിയ വരടിമൂല വേമം ഹാഫിയത്ത് മന്സില് ആര് ഷിജാദ് (35), പാണ്ടിക്കടവ് കൊടിലന് വീട്ടില് കെ സുനീര്(36) എന്നിവരെയാണ് മാനന്തവാടി പോലീസ് പിടികൂടിയത്.
17.07.2025 വൈകീട്ടോടെ പ്രതികള് പരാതിക്കാരന്റെ മാനന്തവാടിയിലുള്ള ലാലാ മിനി സൂപ്പര് മാര്ക്കറ്റ് എന്ന സ്ഥാപനത്തില് കയറി സാധനങ്ങള് കടം കൊടുത്തതിന്റെ പണം ചോദിച്ചതിലുള്ള വിരോധം വച്ച് പരാതിക്കാരനെ കൈ കൊണ്ടും വടികൊണ്ടും ക്രൂരമായി മര്ദിക്കുകയും കടയിലെ സാധന സാമഗ്രികള് നശിപ്പിക്കുകയും കൂടാതെ വിവരമറിഞ്ഞ് കടയിലെത്തിയ പരാതിക്കാരന്റെ സഹോദരിയെ പരാതി നല്കിയാല് പണി കിട്ടുമെന്ന് ഭീഷണിപ്പെടുത്തുകയുമാണ് ഉണ്ടായത്.
പിടിയിലായ സുനീര് മോഷണം, പിടിച്ചുപറി, അടിപിടി, സ്ത്രീത്വത്തെ അപമാനിക്കല് തുടങ്ങി നിരവധി ക്രിമിനല് കേസുകളില് പ്രതിയാണ്. ഷിജാദ് 2020 ല് തിരുനെല്ലിയില് ഫോറസ്ററ് ഉദ്യോഗസ്ഥരെ ആക്രമിച്ച കേസിലും മാനന്തവാടി സ്റ്റേഷനില് രെജിസ്റ്റര് ചെയ്ത ഗാര്ഹിക പീഡനക്കേസിലും പ്രതിയാണ്. മാനന്തവാടി ഇന്സ്പെക്ടര് എസ്.എച്ച്.ഓ പി. റഫീഖിന്റെ നേതൃത്വത്തില് എസ്.ഐ എം.സി പവനന് എ.എസ്.ഐ അജേഷ്കുമാര്, എസ്.സി.പി.ഓ മനു അഗസ്റ്റിന് എന്നിവരാണ് അന്വേഷണ സംഘത്തിലുള്ളത്.