മരുന്നോ ശസ്ത്രക്രിയയോ വേണ്ട, അല്ഷിമേഴ്സ് രോഗികളുടെ ഓര്‍മശക്തി വീണ്ടെടുക്കാം : നിര്‍ണായക കണ്ടെത്തൽ
ഡല്‍ഹി : മരുന്നോ ശസ്ത്രക്രിയയോ ഇല്ലാതെ അല്ഷിമേഴ്സ് രോഗികളില്‍ ഓർമശക്തി വീണ്ടെടുക്കാൻ ഫലപ്രദമായ ചികിത്സരീതി കണ്ടെത്തിയതായി ക്വീൻസ്‌ലാൻഡ് ബ്രെയിൻ ഇൻസ്റ്റിറ്റ്യൂട്ട് ഗവേഷകർ.നിലവില്‍ അല്‍ഷിമേഴ്സിന് ചികിത്സയില്ല. രോഗത്തിന്റെ പുരോഗതി തടയുന്നതിനും രോഗലക്ഷണങ്ങള്‍ ലഘൂകരിക്കുന്നതിനും ചികിത്സകളുണ്ടെങ്കിലും അല്ഷിമേഴ്സ് പൂർണമായും ഭേദമാക്കാൻ സാധിച്ചിരുന്നില്ല.
അള്‍ട്രാസൗണ്ട് തെറാപ്പി അല്ഷിമേഴ്സ് രോഗികളില്‍ വൈജ്ഞാനിക പ്രവർത്തനം ഫലപ്രദമായി മെച്ചപ്പെടുത്താൻ സഹായിക്കുമെന്ന് ക്യുബിഐയിലെ ക്ലെം ജോണ്‍സ് സെന്റർ ഫോർ ഏജിങ് ഡിമെൻഷ്യ റിസർച്ച്‌ ഗവേഷകർ കണ്ടെത്തി. മോളിക്യുലാർ സൈക്യാട്രിയിലാണ് പഠനം പ്രസിദ്ധീകരിച്ചിരിക്കുന്നത്.
എലികളില്‍ നടത്തിയ പരീക്ഷണത്തില്‍ കുറഞ്ഞ തീവ്രതയുള്ള അള്‍ട്രാസൗണ്ട് ഫലപ്രദമായി തലച്ചോറിലെ വൈജ്ഞാനികശേഷി പുനഃസ്ഥാപിച്ചതായി ഗവേഷകർ കണ്ടെത്തി. ലോകമെമ്ബാടുമുള്ള ദശലക്ഷക്കണക്കിന് അല്ഷിമേഴ്സ് രോഗികള്‍ക്ക് പ്രതീക്ഷ നല്‍കുന്നതാണ് ഈ കണ്ടെത്തല്‍.
പ്രായമായവരില്‍ വൈജ്ഞാനിക ശേഷി വർദ്ധിപ്പിക്കുന്നതിനുള്ള ഒരു നോണ്‍-ഇൻവേസിവ് മാർഗമാണ് തെറാപ്പിക് അള്‍ട്രാസൗണ്ടെന്ന് ഗവേഷകര്‍ പറയുന്നു. അല്ഷിമേഴ്സ് രോഗമുള്ളവരില്‍ പ്ലാക്കുകളും സങ്കീർണതകളും ഉണ്ടാക്കുന്ന അമിലോയിഡ്, ടൗ എന്നിവ നീക്കം ചെയ്യുന്നതില്‍ അള്‍ട്രാസൗണ്ട് തെറാപ്പി ഉപയോഗിക്കാം.
