കുടകിൽ ജോലിക്ക് പോയ വയനാട് സ്വദേശിയായ യുവാവിനെ മരിച്ച നിലയില്‍ കണ്ടെത്തി
കാട്ടിക്കുളം : ബാവലി സ്വദേശിയായ യുവാവിനെ കര്‍ണാടക കുടകില്‍ മരിച്ച നിലയില്‍ കണ്ടെത്തി. ഷാണമംഗലം കോളനിയിലെ മാധവന്റെയും, സുധയുടേയും മകന്‍ എം.എസ് ബിനീഷ് (33) ആണ് മരിച്ചത്.
നാല് ദിവസം മുമ്പ് കുടകിലെ ബിരുണാണിയില്‍ പണിക്ക് പോയതായിരുന്നു ബിനീഷ്. ഇന്നലെ വൈകീട്ട് തൊഴിലിടത്തിന് സമീപത്തെ തോട്ടില്‍ മരിച്ച നിലയില്‍ കണ്ടെത്തിയതായാണ് തങ്ങള്‍ക്ക് വിവരം ലഭിച്ചതെന്ന് ബിനീഷിന്റെ ബന്ധുക്കള്‍ പറഞ്ഞു.
കര്‍ണാടക പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റുമോര്‍ട്ടത്തിന് ശേഷം ഇന്ന് ബന്ധുക്കള്‍ക്ക് വിട്ടു നല്‍കും. സഹോദരങ്ങള്‍: മനോജ്, ചന്ദ്രന്‍, നീതു,നിഷ.
