സംസ്ഥാനത്ത് തുടർച്ചയായ മൂന്നാംദിനവും മാറ്റമില്ലാതെ സ്വർണവില

സംസ്ഥാനത്ത് സ്വർണവിലയിൽ മാറ്റമില്ല. മൂന്ന് ദിവസമായി ഒരേ വില തുടരുന്നു. ഗ്രാമിന് 5,515 രൂപയിലും പവന് 44,120 രൂപയിലുമാണ് ശനിയാഴ്ച മുതൽ വ്യാപാരം നടക്കുന്നത്.

ഒരാഴ്ച പിന്നിടുമ്പോൾ സംസ്ഥാനത്തെ സ്വർണവില ചാഞ്ചാട്ടം തുടരുകയാണ്. ഓഗസ്റ്റ് ഒന്നിന് ഈ മാസത്തെ ഏറ്റവും ഉയർന്ന വിലയായ ഗ്രാമിന് 5,540 രൂപയും പവന് 44,320 രൂപയും രേഖപ്പെടുത്തിയ ശേഷം രണ്ടുദിവസത്തിനുള്ളിൽ ഈ മാസത്തെ ഏറ്റവും താഴ്ന്ന നിലയിലേക്ക്‌ സ്വർണം എത്തി. ഓഗസ്റ്റ് 3,4 തീയതികളിൽ രേഖപ്പെടുത്തിയ ഗ്രാമിന് 5,495 രൂപയും പവന് 43,960 രൂപയുമാണ് ഈ മാസത്തെ ഏറ്റവും കുറഞ്ഞ നിരക്ക്

.