തുടർച്ചയായ രണ്ടാം ദിനവും സ്വർണ വിലയിൽ വർധന

സംസ്ഥാനത്തെ സ്വർണ വില ഇന്നും കൂടി. തുടർച്ചയായ രണ്ടാം ദിവസമാണ് വിലയിൽ വർധന ഉണ്ടായിരിക്കുന്നത്. ഗ്രാമിന് 30 രൂപയും പവന് 240 രൂപയും വർധിച്ച് ഗ്രാമിന് 5,545 രൂപയിലും പവന് 44,360 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 15 രൂപയും പവന് 120 രൂപയും വർധിച്ചു ഗ്രാമിന് 5,515 രൂപയിലും പവന് 44,120 രൂപയിലുമാണ് ബുധനാഴ്ച വ്യാപാരം നടന്നത്.

ഇതോടെ രണ്ട് ദിവസം കൊണ്ട് ഗ്രാമിന് 45 രൂപയും പവന് 360 രൂപയും വർധിച്ചു. ജൂലൈ 5 ന് രേഖപ്പെടുത്തിയ ഗ്രാമിന് 5570 രൂപയും പവന് 44,560 രൂപയുമാണ് ഈ മാസത്തെ ഏറ്റവും ഉയർന്ന നിരക്ക്. ജൂലായ് 3 ന് രേഖപ്പെടുത്തിയ 5,570 പവന് 43,240 രൂപയാണ് ഈ മാസത്തെ ഏറ്റവും കുറഞ്ഞ വില.