കേന്ദ്ര വിഹിതം ലഭിക്കുന്നില്ല ; സംസ്ഥാനത്തെ സ്‌കൂളുകളിലെ ഉച്ചഭക്ഷണ പദ്ധതി പ്രതിസന്ധിയിലേക്ക്
കേന്ദ്ര വിഹിതം ലഭിക്കാത്തതിനെ തുടര്‍ന്ന് സ്‌കൂളുകളിലെ ഉച്ചഭക്ഷണ പദ്ധതി പ്രതിസന്ധിയിലേക്ക്. ഇതുവരെ ജൂണ്‍, ജൂലായ് മാസങ്ങളില്‍ ചെലവാക്കിയ തുക പോലും കിട്ടിയിട്ടില്ല. പ്രതിസന്ധി മറികടക്കാന്‍ സംസ്ഥാന സര്‍ക്കാര്‍ 126 കോടി രൂപ കൂടി അനുവദിച്ചു. കേന്ദ്രം 279 കോടി രൂപയാണ് നല്‍കേണ്ടത്. തുക ലഭിച്ചില്ലെങ്കില്‍ അടുത്ത മാസം മുതല്‍ ഉച്ചഭക്ഷണ വിതരണം മുടങ്ങും.
ഉച്ചഭക്ഷണ പദ്ധതി നടപ്പിലാക്കാന്‍ സംസ്ഥാനത്തിന്റെയും കേന്ദ്രത്തിന്റെയും വിഹിതമാണ് ഉപയോഗിക്കുന്നത്. വര്‍ക്ക് പ്ലാനും പദ്ധതിയുമൊക്കെ കേന്ദ്രം അംഗീകരിച്ചെങ്കിലും ഈ തുക ഇതുവരെ നല്‍കിയിട്ടില്ല.
