ബംഗാള് ഉള്ക്കടലില് ന്യൂനമര്ദ്ദം : ശക്തമായ മഴ മുന്നറിയിപ്പ് ; ഇന്ന് 9 ജില്ലകളില് യെല്ലോ അലര്ട്ട്
ബംഗാള് ഉള്ക്കടലില് ന്യൂനമർദ്ദം രൂപപ്പെട്ടതിനെ തുടർന്ന് സംസ്ഥാനത്ത് ഇന്നും നാളെയും വ്യാപക മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ജാഗ്രതയുടെ ഭാഗമായി ഇന്ന് ഒൻപത് ജില്ലകളില് യെല്ലോ അലർട്ട് പ്രഖ്യാപിച്ചിട്ടുണ്ട്.
പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, വയനാട് എന്നീ ജില്ലകളിലാണ് മഴ മുന്നറിയിപ്പുള്ളത്. മലയോര മേഖലകളിലും തീരദേശങ്ങളിലും പ്രത്യേക ജാഗ്രതാ നിർദ്ദേശം നല്കിയിട്ടുണ്ട്. മഴയ്ക്കൊപ്പം കേരള-ലക്ഷദ്വീപ് തീരങ്ങളില് കാറ്റിന്റെ വേഗത വർദ്ധിക്കാൻ സാധ്യതയുള്ളതിനാല് കടല് പ്രക്ഷുബ്ധമായിരിക്കും. അതിനാല് അപകടസാധ്യത ഒഴിവാക്കാൻ മത്സ്യത്തൊഴിലാളികള് കടലില് പോകരുതെന്ന് അധികൃതർ ശക്തമായ വിലക്ക് ഏർപ്പെടുത്തിയിട്ടുണ്ട്.
