വയനാട്ടിൽ നിന്നും പുറപ്പെട്ട ഉംറ യാത്രക്കാർ സഞ്ചരിച്ച ബസ് കത്തിനശിച്ചു
കണ്ണൂര് : മട്ടന്നൂര് ശിവപുരത്ത് ഓടിക്കൊണ്ടിരുന്ന ബസിന് തീപിടിച്ചു. ബസ് പൂര്ണമായും കത്തി നശിച്ചു. ശിവപുരം മുസ്ലിം ലീഗ് ഓഫീസ് പരിസരത്ത് നിന്നാണ് ഓടിക്കൊണ്ടിരുന്ന ബസിന് തീപിടിച്ച് പൂര്ണമായും കത്തി നശിച്ചത്. ഉംറ തീര്ത്ഥാടകരുമായി വയനാട്ടില് നിന്ന് കണ്ണൂര് വിമാനത്താവളത്തിലേക്ക് പോകുകയായിരുന്ന ബസിനാണ് തീപിടിച്ചത്. തരുവണയിൽ നിന്നും തിങ്കളാഴ്ച രാത്രിയിൽ ഉംറക്ക് പുറപ്പെട്ട സംഘം സഞ്ചരിച്ച ബസ്സാണ് കത്തി നശിച്ചത്.
തീപിടുത്തത്തില് ബസിന് സമീപമുണ്ടായിരുന്ന ചില കടകള്ക്കും നാശനഷ്ടങ്ങള് സംഭവിച്ചതായാണ് വിവരം. നാട്ടുകാരും അഗ്നിരക്ഷാ സേനയും ചേര്ന്ന് തീ അണയ്ക്കാന് ശ്രമിച്ചെങ്കിലും ബസ് പൂര്ണമായും കത്തി നശിക്കുകയായിരുന്നു. സംഭവത്തില് യാത്രക്കാരായ ആര്ക്കും പരിക്കേറ്റിട്ടില്ല. ഇവര് പുക ഉയരുന്നത് കണ്ട് ഡ്രൈവര് ബസ് നിര്ത്തിയപ്പോള് ഇറങ്ങിയോടുകയായിരുന്നു.
