മത്സര പരീക്ഷകള്ക്ക് തയ്യാറെടുക്കുന്നവർക്ക് പ്രതിമാസം 1,000 രൂപ സാമ്പത്തിക സഹായം : ഇപ്പോള് അപേക്ഷിക്കാം
സംസ്ഥാനത്ത് നൈപുണ്യ പരിശീലനത്തില് പങ്കെടുക്കുന്നവരും മത്സര പരീക്ഷകള്ക്ക് തയ്യാറെടുക്കുന്നവരുമായ യുവതീയുവാക്കള്ക്ക് സന്തോഷ വാർത്ത. പ്രതിമാസം 1,000 രൂപ സാമ്പത്തിക സഹായം നല്കുന്ന മുഖ്യമന്ത്രിയുടെ കണക്ട് ടു വർക്ക് പദ്ധതിയിലേക്ക് അപേക്ഷിക്കാം. പദ്ധതിയിലേക്ക് അപേക്ഷിക്കുന്നതിനുള്ള കുടുംബ വാർഷിക വരുമാന പരിധി അഞ്ച് ലക്ഷം രൂപയായി ഉയർത്തി. നേരത്തെ ഒരു ലക്ഷം രൂപയായിരുന്നു കുടുംബ വാർഷിക വരുമാന പരിധി.
കേരളത്തില് സ്ഥിരതാമസക്കാരായ യുവതീ യുവാക്കളില് പ്ലസ്ടു/ വിഎച്ച്എസ്ഇ/ ഐടിഐ/ ഡിപ്ലോമ/ ഡിഗ്രി വിജയത്തിനു ശേഷം കേന്ദ്ര, സംസ്ഥാന സർക്കാരുകളോ, പൊതുമേഖല സ്ഥാപനങ്ങളോ, സർവകലാശാലകളോ, അംഗീകൃത സ്വകാര്യ സ്ഥാപനങ്ങളോ നടത്തുന്ന നൈപുണ്യ പരിശീലനത്തില് പങ്കെടുക്കുന്നവർക്കും, യുപിഎസ്സി, പിഎസ്സി, എസ്എസ്ബി, ആർആർബി തുടങ്ങിയ കേന്ദ്ര സംസ്ഥാന റിക്രൂട്ട്മെന്റ് ഏജൻസികള് നടത്തുന്ന മത്സര പരീക്ഷകള്ക്ക് തയ്യാറെടുക്കുന്നവർക്കും മുഖ്യമന്ത്രിയുടെ കണക്ട് ടു വർക്ക് പദ്ധതിയിലേക്ക് അപേക്ഷിക്കാം.
അപേക്ഷകർ 18 വയസ് പൂർത്തിയായവരും 30 കവിയാത്തവരും ആയിരിക്കണം. യോഗ്യരായ അപേക്ഷകർക്ക് പ്രതിമാസം 1,000 രൂപ ഒരു വർഷത്തേക്ക് ഈ പദ്ധതി പ്രകാരം സാമ്പത്തിക സഹായം ലഭിക്കും. താല്പര്യമുള്ളവർക്ക് https://www.eemployment.kerala.gov.in പോർട്ടല് മുഖേന അപേക്ഷ സമർപ്പിക്കാം. കൂടുതല് വിവരങ്ങള്ക്ക് അടുത്തുള്ള എംപ്ലോയ്മെന്റ് എക്സ്ചേഞ്ചുമായി ബന്ധപ്പെടാം.
