ബൈക്ക് നിയന്ത്രണം വിട്ട് പോസ്റ്റിലിടിച്ച് രണ്ട് യുവാക്കള്ക്ക് ദാരുണാന്ത്യം
ബത്തേരി : അമ്പലവയല് – ചുള്ളിയോട് റോഡിൽ അമ്പലവയല് റസ്റ്റ് ഹൗസിന് സമീപം വാഹനാപകടത്തില് രണ്ട് യുവാക്കള് മരിച്ചു. കാക്കവയല് കോലമ്പറ്റ സ്വദേശികളായ സുധീഷ്, സുമേഷ് എന്നിവരാണ് മരിച്ചത്.
ബുധനാഴ്ച രാത്രി 10 മണിയോടെയാണ് സംഭവം. അമ്പലവയലില് നിന്നും ചുള്ളിയോട് ഭാഗത്തേക്ക് വരികയായിരുന്ന ബൈക്ക് നിയന്ത്രണം വിട്ടു പോസ്റ്റില് ഇടിക്കുകയായിരുന്നുവെന്നാണ് പ്രാഥമിക വിവരം. ഉടനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം ബത്തേരി താലൂക്ക് ആശുപത്രിയിലേക്ക് മാറ്റി.
