സെറ്റ്, കെജിടി പരീക്ഷാഫലങ്ങൾ പ്രസിദ്ധീകരിച്ചു : ഫലമറിയാൻ

സ്റേറ്റ് എലിജിബിലിറ്റി ടെസ്റ്റിന്റെ ഫലം പ്രസിദ്ധീകരിച്ചു. കെ ജി ടി പരീക്ഷഫലവും പ്രസിദ്ധീകരിച്ചു. ഡിപ്ലോമ മേഴ്സി ചാൻസ് പരീക്ഷയുടെ തീയതികള്‍ മാറ്റി നിശ്ചയിച്ചു.

2025 ഓഗസ്റ്റ് 24 ന് നടത്തിയ സ്റ്റേറ്റ് എലിജിബിലിറ്റി ടെസ്റ്റിന്റെ (സെറ്റ്- SET) ഫലമാണ് പ്രസിദ്ധീകരിച്ചത്. prd.kerala.gov.in ലും www.lbscentre.kerala.gov.in ലും ഫലം ലഭ്യമാണ്.

ആകെ 17396 പേർ പരീക്ഷ എഴുതിയതില്‍ 3114 പേർ വിജയിച്ചു. ആകെ വിജയശതമാനം 17.90 ആണ്. പാസായവരുടെ ലിസ്റ്റില്‍ ഉള്‍പ്പെട്ടിട്ടുള്ളവർ സെറ്റ് സർട്ടിഫിക്കറ്റുകള്‍ ലഭിക്കുന്നതിനുള്ള അപേക്ഷാഫോം പൂരിപ്പിച്ച്‌ നല്‍കണം.

എല്‍ ബി എസ് സെന്ററിന്റെ https://www.lbscentre.kerala.gov.in വെബ്സൈറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച അപേക്ഷാ ഫോം, ഡയറക്ടർ, എല്‍ ബി എസ് സെന്റർ ഫോർ സയൻസ് ആൻഡ് ടെക്നോളജി, പാളയം, തിരുവനന്തപുരം – 33 വിലാസത്തില്‍ അയയ്ക്കണം. കൂടുതല്‍ വിവരങ്ങള്‍ക്ക് ഫോണ്‍: 0471 2560311, 312, 313.

കെജിടി പരീക്ഷാഫലം

പരീക്ഷാഭവൻ 2025 മേയില്‍ നടത്തിയ കെ.ജി.ടി പരീക്ഷാഫലം പ്രസിദ്ധീകരിച്ചു.

പരീക്ഷാ ഫലം https://kgtexam.kerala.gov.in, https://pareekshabhavan.kerala.gov.in എന്നീ വെബ്സൈറ്റുകളില്‍ ലഭ്യമാണ്.