ആറാട്ടുതറ ചെറിയ പാലത്തിന് സമീപം യുവാവ് പുഴയിൽ മുങ്ങിമരിച്ചു
മാനന്തവാടി : മാനന്തവാടി ആറാട്ടുതറ ചെറിയ പാലത്തിന് താഴെ പുഴയില്‍ കാണാതായ യുവാവിന്റെ മൃതദേഹം കണ്ടെത്തി. പാലത്തിന് സമീപത്തായി താമസിക്കുന്ന കമ്മന പയ്യപ്പള്ളി പൗലോസ് (ബാബു) ന്റെ മകന്‍ അതുല്‍ പോള്‍ (19) ആണ് മരിച്ചത്.
ഇന്നലെ വൈകീട്ട് ഏഴ് മണിയോടെയായിരുന്നു സംഭവം. പുഴയിലകപ്പെട്ടയുടന്‍ രക്ഷപ്പെടുത്താന്‍ ശ്രമിച്ചെങ്കിലും അതുല്‍ ചുഴിയില്‍പ്പെട്ട് താഴ്ന്ന് പോകുകയായിരുന്നുവെന്ന് നാട്ടുകാര്‍ പറഞ്ഞു. തുടര്‍ന്ന് രാത്രി വൈകിയും അഗ്‌നി രക്ഷാ സേനാംഗങ്ങള്‍ തിരച്ചില്‍ നടത്തിയെങ്കിലും പ്രതികൂല കാലാവസ്ഥയും, ഇരുട്ടും കാരണം അതുലിനെ കണ്ടെത്താനായിരുന്നില്ല.
തുടര്‍ന്ന് ഇന്ന് രാവിലെ മാനന്തവാടി അഗ്നിരക്ഷാ യൂണിറ്റും, പനമരം സിഎച്ച് റെസ്‌ക്യൂടീമും നടത്തിയ തിരച്ചിലില്‍ പനമരം സിഎച്ച് റെസ്‌ക്യൂടീം മൃതദേഹം കണ്ടെത്തുകയായിരുന്നു. മൃതദേഹം വയനാട് മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
സംസ്കാരം ഇന്ന് വൈകുന്നേരം 5 മണിക്ക് കമ്മന സെന്റ് ജോർജ്ജ് താബോർ പള്ളി സെമിത്തേരിയിൽ നടക്കും. പിതാവ്: വള്ളിയൂർക്കാവ് ഫയർ സ്റ്റേഷൻ ജീവനക്കാരനായ പൗലോസ് (ബാബു). മാതാവ്: ബിന്ദു. സഹോദരി: അനീന പോൾ.
