സംസ്ഥാനത്ത് കുതിപ്പ് തുടർന്ന് സ്വർണവില ; പവന് 280 രൂപ കൂടി

സംസ്ഥാനത്ത് ഇന്നും കത്തിക്കയറി സ്വർണവില. ഒരു പവൻ സ്വർണത്തിന് ഇന്ന് 280 രൂപയാണ് വർദ്ധിച്ചത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 49,360 രൂപയായി. ഗ്രാമിന് 35 രൂപ വർദ്ധിച്ച് 6,170 രൂപ നിലവാരത്തിലാണ് ഇന്ന് വ്യാപാരം നടക്കുന്നത്.

കേരളത്തിന്റെ ചരിത്രത്തിലെ രണ്ടാമത്തെ സർവകാല റെക്കോർഡിലാണ് ഇന്ന് സ്വർണത്തിന്റെ വ്യാപാരം നടക്കുന്നത്. ഇന്നലെയും സ്വർണവിലയിൽ വർദ്ധിച്ചിരുന്നു. പവന് 80 രൂപയും ഗ്രാമിന് 10 രൂപയുമാണ് ഇന്നലെ വർദ്ധിച്ചത്.