പുൽപ്പള്ളി ചാമപാറയിൽ പശുവിനെ കടുവ ആക്രമിച്ചു 

പുൽപ്പള്ളി : പുൽപ്പള്ളി ചാമപാറയിൽ പശുവിനെ കടുവ ആക്രമിച്ചു. ശിവപുരത്ത് പ്ലാവനാക്കുഴിയിൽ കുഞ്ഞുമോന്റെ പശുവിനെയാണ് ആക്രമിച്ചത്. ഇന്ന് രാവിലെ 10 മണി ഓടെയാണ് സംഭവം. റബർ തോട്ടത്തിൽ കെട്ടിയിട്ടിരുന്ന പശുവിനെ കടുവ കയർ പൊട്ടിച്ച് വലിച്ചു കൊണ്ടു പോകുന്നത് കണ്ട നാട്ടുകാർ ബഹളം വച്ചപ്പോൾ കടുവ തൊട്ടടുത്ത തോട്ടത്തിലേക്ക് ഓടി മറഞ്ഞു. പശുവിന്റെ കഴുത്തിൽ ആഴത്തിലുള്ള മുറിവാണുള്ളത്. ശരീരത്തിലും കടുവ മാന്തിയ പാടുകൾ ഉണ്ട്. ജനപ്രതിനിധികളും വനംവകുപ്പ്, പോലീസ് ഉദ്യോഗസ്ഥർ സ്ഥലത്തെത്തി പരിശോധന നടത്തി. ജനങ്ങൾ ജാഗ്രതാ പാലിക്കണമെന്ന് വനംവകുപ്പ് അറിയിച്ചു.