കല്‍പ്പറ്റയിൽ അതിമാരക മയക്കുമരുന്നായ എം.ഡി.എം.എയുമായി യുവാവ് പിടിയിൽ
കല്‍പ്പറ്റ : വില്‍പ്പനയ്ക്കായി കൈവശം വച്ച അതിമാരക മയക്കുമരുന്നായ എം.ഡി.എം.എയുമായി യുവാവ് പിടിയിൽ. കോഴിക്കോട് മായനാട് കോയാലിക്കല്‍ വീട്ടില്‍ എം. ഷംനാദ് (32) നെയാണ് കല്‍പ്പറ്റ എസ്.ഐ അബ്ദുള്‍ കലാം അറസ്റ്റു ചെയ്തത്.
ഇന്നു രാവിലെയാണ് കൽപ്പറ്റ പഴയ ബസ് സ്റ്റാന്‍ഡ് പരിസരത്ത് നിന്നുമാണ് ഇയാളെ പിടികൂടിയത്. 43.9 ഗ്രാം എം.ഡി.എം.എ കണ്ടെടുത്തു. സി.പി.ഒമാരായ ജുനൈദ്, ലിന്‍രാജ് എന്നിവരും പൊലീസ് സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
