200 ഗ്രാം കഞ്ചാവുമായി യുവാവ് പിടിയിൽ
മാനന്തവാടി : കഞ്ചാവ് കടത്തിയ കൊട്ടിയൂർ സ്വദേശിയായ യുവാവിനെ മാനന്തവാടി എക്സൈസ് സർക്കിൾ ഇൻസ്പെക്ടർ സജിത്ത് ചന്ദ്രനും പാർട്ടിയും ചേർന്ന് മാനന്തവാടി ടൗണിൽ നിന്നും പിടികൂടി.
കൊട്ടിയൂർ നെല്ലിയോടി ഭാഗത്ത് മൈലപ്പള്ളി വീട്ടിൽ ടൈറ്റസ് (41) ആണ് അറസ്റ്റിലായത്. ഇയാളിൽ നിന്നും 200 ഗ്രാം കഞ്ചാവ് പിടികൂടി.
കർണ്ണാടകയിലെ ബൈരക്കുപ്പയിൽ നിന്നും കഞ്ചാവ് വാങ്ങി ചില്ലറ വിൽപ്പന നടത്തുന്ന ആളാണ് പ്രതി. എക്സൈസ് പാർട്ടിയിൽ പ്രിവന്റീവ് ഓഫീസർമാരായ ജോണി. കെ , ജിനോഷ് പി.ആർ, സിവിൽ എക്സൈസ് ഓഫീസർമാരായ പ്രിൻസ് ടി.ജി,പ്രജീഷ് എ.സി, ഹാഷിം കെ, എക്സൈസ് ഡ്രൈവർ സജീവ് കെ കെ എന്നിവർ പങ്കെടുത്തു.
