സംസ്ഥാനത്ത് ഇന്ന് സ്വർണവിലയിൽ ഇടിവ്

സംസ്ഥാനത്ത് സ്വർണവില കുറഞ്ഞു. ഇന്ന് ഗ്രാമിന് 15 രൂപയും പവന് 120 രൂപയും കുറഞ്ഞു. ഇതോടെ ഗ്രാമിന് 5500 രൂപയും പവന് 44,000 രൂപയുമായി.

അഞ്ചു ദിവസത്തിനിടെ പവന് കുറഞ്ഞത് 560 രൂപയാണ്. ഈ മാസം 20 നായിരുന്നു ജൂലൈയിലെ ഏറ്റവും ഉയർന്ന നിരക്കില്‍ സ്വർണവില എത്തിയത്. ജൂലൈ 21 ന് 240 രൂപ കുറഞ്ഞ് പവന് 44,320 രൂപയായി. 22ന് വീണ്ടും പവന് 200 രൂപ കുറഞ്ഞ് 44,120 രൂപയായി. 23, 24 തീയതികളിൽ സ്വർണവില മാറ്റമില്ലാതെ തുടർന്നശേഷമാണ് ഇന്ന് സ്വര്‍ണ വില വീണ്ടും താഴേക്ക് പോയത്.

ജൂലൈ മാസത്തിൽ ഇതുവരെയുള്ള കാലയളവിനിടെ സ്വർണ വിലയിൽ ചാ‍ഞ്ചാട്ടം പ്രകടമാണ്. ജൂലൈ 3ന് രേഖപ്പെടുത്തിയ 43,240 രൂപയാണ്, ഒരു പവൻ സ്വർണത്തിന്റെ ഈ മാസത്തെ താഴ്ന്ന വിലനിലവാരം. ജൂലൈ 12 വരെ സ്വർണ വില 44,000 രൂപയിൽ താഴെയാണ് നിന്നിരുന്നത്. തുടർന്ന് മുന്നേറിയ സ്വർണ വില ജൂലൈ 20-ന് 44,560 രൂപയിലേക്ക് എത്തിച്ചേർന്നു. ഈ മാസത്തെ ഉയർന്ന നിലവാരം.

ഒരു ഗ്രാം വെള്ളിക്ക് 80 രൂപയാണ് വില. എട്ട് ഗ്രാമിന് 640 രൂപയും ഒരു കിലോഗ്രാം സ്വർണത്തിന് 80,000 രൂപയുമാണ് വില. ഇന്നലെ കിലോഗ്രാമിന് 80,500 രൂപയായിരുന്നു വില.