പാണ്ടിക്കടവിൽ 16 കാരൻ പുഴയില്‍ മുങ്ങിമരിച്ചു
മാനന്തവാടി : പാണ്ടിക്കടവ് അഗ്രഹാരം പുഴയില്‍ കുളിക്കുന്നതിനിടെ 16 കാരൻ മുങ്ങി മരിച്ചു. പാണ്ടിക്കടവ് മാറത്ത് സിറാജിന്റെ മകന്‍ ആരിഫ് ആണ് മരിച്ചത്. കൂടെയുണ്ടായിരുന്ന സുഹൃത്ത് റെസിന്‍ അഹമ്മദിനെ പ്രദേശവാസികള്‍ രക്ഷപ്പെടുത്തി.
പാണ്ടിക്കടവ് ചെമ്പ്രങ്കണ്ടി ജലീലിന്റെ മകനായ റെസിന്‍ നിലവില്‍ മാനന്തവാടി മെഡിക്കല്‍ കോളേജില്‍ ചികിത്സയിലാണ്. മൂന്നു സുഹൃത്തുക്കള്‍ കൂടി അഗ്രഹാരം തടയണക്ക് സമീപം കുളിക്കുന്നതിനിടെയാണ് അപകടമെന്നാണ് വിവരം.
