സ്‌കൂട്ടര്‍ നിയന്ത്രണം വിട്ട് മറിഞ്ഞ് സ്‌കൂട്ടര്‍ യാത്രികന്‍ മരിച്ചു
കൽപ്പറ്റ : വെങ്ങപ്പള്ളി പഞ്ചാബിന് സമീപം സ്‌കൂട്ടര്‍ നിയന്ത്രണം വിട്ട് മറിഞ്ഞ് സ്‌കൂട്ടര്‍ യാത്രികന്‍ മരിച്ചു. കാവുമന്ദം മാടക്കുന്ന് തുമ്പിയാന്‍ കുഴിയില്‍ തോമസ് (കുഞ്ഞൂഞ്ഞ് – 56 ) ആണ് മരിച്ചത്. സഹയാത്രികനായ മാടക്കുന്ന് സ്വദേശി അഗസ്റ്റിന് പരിക്കുണ്ട്.
ഇന്നലെ രാത്രിയിലാണ് സംഭവം. അപകടത്തെ തുടര്‍ന്ന് ഇരുവരേയും കല്‍പ്പറ്റ ഫാത്തിമ ആശുപത്രിയിലെത്തിച്ചുവെങ്കിലും തലയ്ക്ക് സാരമായി പരിക്കേറ്റ തോമസിനെ വിദഗ്ധ ചികിത്സാര്‍ത്ഥം മേപ്പാടി വിംസിലും പിന്നീട് കോഴിക്കോട് മെഡിക്കല്‍ കോളേജിലും പ്രവേശിപ്പിച്ചൂവെങ്കിലും മരിക്കുകയായിരുന്നു. ഭാര്യ : ആലീസ്. മക്കള്‍: അനൂപ്, അജീഷ്.
