സംസ്ഥാനത്ത് സ്വർണവിലയിൽ വർധന

സംസ്ഥാനത്ത് ഇന്ന് സ്വർണവില വർധിച്ചു. തുടർച്ചയായ രണ്ട് ദിവസത്തെ വിലയിടിവിന് ശേഷമാണ് ഇന്ന് സ്വർണവില വർധിച്ചത്. ഗ്രാമിന് 10 രൂപയും പവന് 80 രൂപയും വർധിച്ച് യഥാക്രമം 5,140 രൂപയിലും 41,120 രൂപയിലുമാണ് ഇന്ന് വ്യാപാരം പുരോഗമിക്കുന്നത്.

ഗ്രാമിന് 5,130 രൂപയിലും പവന് 41,040 രൂപയിലുമാണ് ഇന്നലെ വ്യാപാരം നടന്നത്. ജനുവരി 9 ന് രേഖപ്പെടുത്തിയ ഗ്രാമിന് 5,160 രൂപയും പവന് 41,280 രൂപയുമാണ് ഈ മാസത്തെ ഏറ്റവും ഉയർന്ന നിരക്ക്. ജനുവരി രണ്ടിന് രേഖപ്പെടുത്തിയ ഗ്രാമിന് 5,045 രൂപയും പവന് 40,360 രൂപയുമാണ് ഈ മാസത്തെ ഏറ്റവും ഏറ്റവും കുറഞ്ഞ നിരക്ക്.