ഇരുചക്രവാഹനമിടിച്ച് കാൽനടയാത്രികന് മരിച്ചു
മാനന്തവാടി : മാനന്തവാടി – കല്ലോടി റോഡിൽ ഹിൽ ബ്ലൂംസ് സ്കൂൾ കവലയ്ക്ക് സമീപം ഇരുചക്രവാഹനമിടിച്ച് കാൽനടയാത്രികന് മരിച്ചു. തൃശ്ശിലേരി പ്ലാമൂല കോളനിയിലെ കൂരൻ (50) ആണ് മരിച്ചത്.
മാനന്തവാടി മെഡിക്കൽ കോളേജ് ആശുപത്രിയിലെ കാഷ്വാലിറ്റി മെഡിക്കൽ ഓഫീസറായ ഡോക്ടർ അരുൺകുമാർ ഓടിച്ച് വന്ന ബുള്ളറ്റ് തട്ടിയാണ് അപകടം. പരിക്കേറ്റ കൂരനെ ഉടൻതന്നെ ആശുപത്രിയിലെത്തിച്ചെങ്കിലും മരിക്കുകയായിരുന്നു. ഡോ. അരുണിന്റെ കൈക്കും പരിക്കേറ്റിട്ടുണ്ട്. ഇദ്ദേഹം മാനന്തവാടി മെഡിക്കൽ കോളേജിൽ ചികിത്സയിലാണ്. ബിന്ദുവാണ് കൂരന്റെ ഭാര്യ. മക്കൾ: അജിത്, ആതിര.
