രാജ്യത്ത് 1,994 പേർക്ക് കൂടി കൊവിഡ് സ്ഥിരീകരിച്ചു
ഇന്ത്യയിൽ കഴിഞ്ഞ 24 മണിക്കൂറിനുള്ളിൽ 1,994 പുതിയ കോവിഡ് കേസുകൾ കൂടി റിപ്പോർട്ട് ചെയ്തതായി കേന്ദ്ര ആരോഗ്യ മന്ത്രാലയം ഞായറാഴ്ച അറിയിച്ചു.
രാജ്യത്ത് സജീവമായ കേസുകളുടെ എണ്ണം 23,432 ആയി. കോവിഡ് കേസുകളുടെ എണ്ണം 4.46 കോടി കവിഞ്ഞു. കഴിഞ്ഞ രണ്ട് വർഷത്തിനിടെ മൊത്തം മരണങ്ങൾ 5,28,916 ആയി. പ്രതിദിന പോസിറ്റിവിറ്റി നിരക്ക് 1.24% ആണ്, അതേസമയം പ്രതിവാര പോസിറ്റിവിറ്റി നിരക്ക് 0.99% ആണ്.
കഴിഞ്ഞ 24 മണിക്കൂറിനുള്ളിൽ 2,601 പേർ കൊവിഡിൽ നിന്ന് സുഖം പ്രാപിച്ചു. പാൻഡെമിക് ആരംഭിച്ചതിന് ശേഷം 4,40,90,349 പേർ കൊവിഡിൽ നിന്ന് സുഖം പ്രാപിച്ചു.
